સરકારે સેન્ટ્રલ મોટર વ્હીકલ્સ રૂલ્સમાં સુધારો કરીને E100 સુધીના એટલે કે લગભગ શુદ્ધ એથનોલ પર ચાલી શકતાં ફ્લેક્સ-ફ્યુઅલ વાહનોને મંજૂરી આપી છે. જોકે, સરકારે સ્પષ્ટતા કરી છે કે E20થી વધુ અને E100 સુધીના ઈંધણનો ઉપયોગ માત્ર તે માટે જ ખાસ તૈયાર અને પ્રમાણિત કરવામાં આવેલાં વાહનોમાં જ થઈ શકશે. બીજી તરફ, 27 એપ્રિલે પ્રસિદ્ધ કરાયેલા નિયમોના મુસદ્દા બાદ આ પગલું લેવામાં આવ્યું છે. જેમાં મંત્રાલયે જાહેર જનતા તરફથી મળેલાં વાંધાઓ અને સૂચનોની સમીક્ષા કર્યા પછી આ અંતિમ જાહેરનામું બહાર પાડ્યું છે.

વધુમાં, આ નિયમોના ફેરફારોથી પ્રભાવિત થતાં હળવા પેટ્રોલ અને ડીઝલ વાહનો માટે સરકારે વજનની મર્યાદા વધારીને 3500 કિલો કરી દીધી છે. રે 23 ઓક્ટોબરે બહાર પાડવામાં આવેલું અને 26 ઓક્ટોબરે અધિકૃત રાજપત્રમાં પ્રકાશિત થયેલું આ જાહેરનામું તાત્કાલિક અસરથી અમલમાં આવે છે.