અંબાજી મંદિરના મહત્વનો વિવાદ દિવસે વધુ ગૂંચવાતો જાય છે.મહેશગીરીબાપુ અને હરગીરીબાપુના વિવાદ વચ્ચે હવે અન્ય સાધુઓ પણ મેદાનમાં આવ્યા છે.ગિરનાર વૈષ્ણવ વિરક્ત મંડળ અને સરકડીયા હનુમાન મંદિરના મહંત હરિદાસ બાપુ દ્વારા હરીગીરીબાપુ સામે વિરોધ થઈ રહ્યો છે.ભવનાથ ગિરનાર મંડળના સાધુઓ ધર્મને ધંધો બનાવી દીધો છે તેમજ અધિકારીને પદાધિકારીઓની ચમચાગીરી કરીને શું ફાયદો થતો હશે તેવા આક્ષેપો પણ કર્યા છે.

ગિરનાર મંડળના સાધુઓ અને ખાસ કરીને હરિ ગીરી બાપુ સામે તેઓએ રોષ વ્યક્ત કરતાં જણાવ્યું હતું કે હરિ ગીરી બાપુ છેલ્લા દસ બાર વર્ષથી વિવાદોમાં આવે છે તેઓ ભવનાથમાં ગમે તે જગ્યા ઉપર લખાણ કરાવી અને ગુંડાઓને મોકલીને ડરાવે ધમકાવે છે.સાધુઓને પૈસાની હાલત ન હોવી જોઈએ પરંતુ જો કોઈ સાધુ પૈસા આપીને મહંત બનતા હોય તેવી સાધુતા શું કામની? ઉપરાંત તેઓએ આ સમગ્ર મામલાને લઈને તટસ્થ તપાસ કરવા માટે પણ માંગણી કરી છે.