તમિલનાડુ, પશ્ચિમ બંગાળ, આસામ, કેરલમ અને પુડુચેરીમાં યોજાયેલી ચૂંટણીના પરિણામો આજે સોમવારે જાહેર થઈ ચૂક્યા છે, કેરલમમાં ડાબેરી કિલ્લો કોંગ્રેસ ગઠબંધને ધ્વસ્ત કરી દીધો છે.
પશ્ચિમ બંગાળના રાજકારણમાં આજે એક નવો ઇતિહાસ રચાયો છે. બંગાળના 'વાઘણ' ગણાતા મમતા બેનર્જીને તેમના જ સૌથી મજબૂત ગઢ ભવાનીપુરમાં કારમી હારનો સામનો કરવો પડ્યો છે. ભાજપના દિગ્ગજ નેતા શુભેન્દુ અધિકારીએ મમતા બેનર્જીને 15,114 મતોના જંગી અંતરથી પરાજય આપીને આખા દેશને ચોંકાવી દીધો છે.   20 રાઉન્ડના અંતે મમતા બેનરજીને 58,349 તો શુભેન્દુ અધિકારીને 73,463 મત મળ્યા, વર્ષ 2021માં નંદીગ્રામ બેઠક પરથી પણ હરાવ્યા હતા.આ જીત માત્ર એક બેઠકની જીત નથી, પરંતુ બંગાળમાં છેલ્લા દોઢ દાયકાથી ચાલી રહેલા મમતા શાસનના અંતની સત્તાવાર જાહેરાત સમાન છે. 
બીજી તરફ તમિલનાડુમાં તમિલનાડુમાં સુપર સ્ટાર વિજયના રાજકીય પક્ષ તમિલગા વેત્રિ કઝગમ(TVK)ની એન્ટ્રીએ દ્રવિડિયન રાજનીતિના સમીકરણો બદલી નાખ્યા છે, ત્યાં મુખ્યમંત્રી એમ કે સ્ટાલિનને હારનો સ્વાદ ચાખવો પડ્યો છે. બંગાળમાં કોંગ્રેસના કદાવર નેતા અધીર રંજન ચૌધરીની પણ હાર થઈ છે.