પહલગામ આતંકી હુમલા બાદ ભારત પાકિસ્તાન વચ્ચે યુદ્ધ છેડાયુ. પરિણામે ભારતમાંથી પાકિસ્તાની નાગરિકોને વતન પરત ફરવા માટેનું એલ્ટીમેટમ આપવામાં આવ્યું. હાલ બોર્ડર પર આ સ્થિતિને લઇને મામલો ઘણો જ ગંભીર છે. બોર્ડર પર ચાંપતી નજર રાખવામાં આવી રહી છે. તેવામાં ભારત પાકિસ્તાન બોર્ડર નજીક અમૃતસરની સરહદી પોસ્ટ પરથી એક પાકિસ્તાનીને બીએસએફએ ઝડપી પાડ્યો છે.

ભારત-પાકિસ્તાન સરહદ નજીક એક પાકિસ્તાની ઘુસણખોર પકડાયો છે. લાહોરનો રહેવાસી આ પાકિસ્તાની નાગરિક ભારતીય સરહદમાં પ્રવેશવાનો પ્રયાસ કરી રહ્યો હતો, ત્યારે BSFએ તેને પકડી લીધો.ભારત-પાકિસ્તાન સરહદને અડીને આવેલા અમૃતસરના શાહપુર બોર્ડર આઉટપોસ્ટ પરથી BSF એ એક પાકિસ્તાનીની ધરપકડ કરી હતી. 

લાહોરના આ 65 વર્ષીય વ્યક્તિની ભારતીય સરહદ નજીક ધરપકડ કરવામાં આવી હતી. હાલમાં કેટલાક પૈસા સિવાય, આ પાકિસ્તાની નાગરિક પાસેથી કંઈ શંકાસ્પદ મળ્યું નથી. હાલમાં આ પાકિસ્તાની નાગરિકની પૂછપરછ કરવામાં આવી રહી છે.