ઘણીવાર બૉક્સ ઓફિસ પર એવી ફિલ્મો રિલીઝ થતી હોય છે, જે કમાણીના મામલે ઇતિહાસ રચે છે. આ ફિલ્મો જોઈને એવું લાગે છે કે, તે માત્ર રેકોર્ડ બનાવવા જ બની છે. હાલમાં હૉલિવૂડની એક ફિલ્મની બૉક્સ ઓફિસ પર ખૂબ ચર્ચા થઈ રહી છે. જે રિલીઝ થયા બાદ બૉક્સ ઓફિસ પર જોરદાર કમાણી કરી રહી છે.   હાલ અમેરિકા સહિતના દેશોમાં એક એવી ફિલ્મ રિલીઝ  થઈ છે, જે બૉક્સ ઓફિસ પર ધૂમ મચાવી રહી છે. ફિલ્મે માત્ર ત્રણ જ દિવસમાં રૂપિયા 500 કરોડથી વધારે કમાણી કરી છે. હોલિવૂડની આ ફિલ્મનું નામ છે '28 યર્સ લેટર', જે 20 જૂને સિનેમાઘરોમાં રિલીઝ થઈ હતી. આ એક હોરર-થ્રિલર ફિલ્મ છે. ફિલ્મના સ્ટાર કાસ્ટની વાત કરીએતો ડેની બોયલે '28 યર્સ લેટર' ફિલ્મને ડિરેક્ટ કરે છે. જોડી મેરી કોમર અને રાલ્ફ ફિએનેસ જેવા સ્ટાર્સ આ ફિલ્મમાં મહત્ત્વની ભૂમિકા ભજવી છે. અમેરિકામાં '28 યર્સ લેટર' બૉક્સ ઓફિસ પર રિલીઝ થયા બાદ શરૂઆતના ત્રણ દિવસમાં આ ફિલ્મે 30 મિલિયન ડોલરની કમાણી કરી છે. સાથે ઓવરસીઝથી પણ 30 મિલિયન ડોલરની કમાણી કરી છે. કુલ કમાણીની વાત કરીએ તો ફિલ્મે 60 મિલિયન ડોલરની કમાણી કરી છે. એટલે ભારતીય રૂપિયા પ્રમાણે તેની કિંમત 519 કરોડ રૂપિયા થાય છે. ડેની બોયલ એક બ્રિટિશ ફિલ્મ ડિરેક્ટર, પ્રોડ્યૂસર અને સ્ક્રીનરાઈટર છે,  તેમનો જન્મ ઈંગ્લેન્ડમાં 20 ઑક્ટોમ્બર 1956ના રોજ થયો હતો. તેમણે હૉલિવૂડની ઘણી હિટ ફિલ્મોને ડિરેક્ટ કરી છે. જેમાંથી એક ફિલ્મ '28 ડેઝ લેટર' (2002) છે જે ઝોમ્બી હોરર ફિલ્મ છે. તેમની બીજી ફિલ્મોની વાત કરીએ તો  'ટ્રેનસ્પૉટિંગ' (1996), 'સ્લમડૉગ મિલિયનેર' (2008), અને '127 હાઉર્સ' (2010) ને પણ ડિરેક્ટ કરી છે.