બોલિવૂડના દિગ્ગજ અભિનેતા નાના પાટેકરનુ 75 વર્ષની વયે નિધન
October 08, 2026
મુંબઈ: બોલિવૂડના દિગ્ગજ અભિનેતા નાના પાટેકરના નિધનના સમાચારથી ફિલ્મ જગતમાં શોકની લાગણી ફેલાઈ છે. 75 વર્ષની ઉંમરે નાના પાટેકરે દુનિયાને અલવિદા કહી દીધી છે. આજે સવારે 5:20 વાગ્યે ગોવાના મણિપાલ હોસ્પિટલમાં તેમને મૃત જાહેર કરવામાં આવ્યા હતા. તેમને છાતીમાં ભારે દુખાવો થયા બાદ મેડિકલ ટીમ તેમના ફ્લેટ પર પહોંચી હતી, જ્યાં તેઓ બેભાન હાલતમાં મળી આવ્યા હતા. તેમને તાત્કાલિક સીપીઆર આપવામાં આવ્યું અને બાદમાં હોસ્પિટલ લઈ જવાયા, પરંતુ ડોક્ટરો તેમને બચાવી શક્યા નહીં. તેમના પુત્ર મલ્હાર પાટેકરે પણ પિતાના નિધનની પુષ્ટિ કરી છે.
નાના પાટેકરનું અસલી નામ વિશ્વનાથ પાટેકર હતું. તેમનો જન્મ મહારાષ્ટ્રના રાયગઢ જિલ્લાના મુરુડ-જંજીરા ખાતે એક મરાઠી પરિવારમાં થયો હતો. તેમના પિતા દિનકર પાટેકર ટેક્સટાઇલ પેઇન્ટર હતા અને નાના પાયાના વ્યવસાય સાથે પણ જોડાયેલા હતા, જ્યારે માતા સંજનાબાઈ પાટેકર ગૃહિણી હતાં. બાળપણમાં તેમણે આર્થિક મુશ્કેલીઓનો સામનો કર્યો હતો, પરંતુ પોતાની મહેનત અને અભિનય પ્રતિભાના આધારે તેમણે હિન્દી અને મરાઠી સિનેમામાં અલગ ઓળખ બનાવી હતી.
નાના પાટેકરને ‘પરિંદા’, ‘ક્રાંતિવીર’, ‘અગ્નિસાક્ષી’ અને ‘વેલકમ’ જેવી ફિલ્મોમાં તેમના દમદાર અભિનય માટે ખાસ ઓળખવામાં આવતા હતા. પડદા પર તેમના બોલવાના લહેજા, આક્રમક અંદાજ અને અસરકારક ડાયલોગ ડિલિવરીએ દર્શકોના દિલમાં ખાસ સ્થાન બનાવ્યું હતું.
વ્યક્તિગત જીવનની વાત કરીએ તો નાના પાટેકરની પત્ની નીલકાંતિ પાટેકર મરાઠી ફિલ્મ ઇન્ડસ્ટ્રી સાથે જોડાયેલી રહી છે અને અભિનેત્રી તથા પ્રોડ્યુસર તરીકે કામ કરી ચૂકી છે. બંનેની મુલાકાત ફિલ્મ ઇન્ડસ્ટ્રીમાં જ થઈ હતી. જોકે છેલ્લા કેટલાક વર્ષોથી બંને અલગ-અલગ રહેતા હતા, તેમ છતાં તેમના સંબંધનો કાયદેસર અંત આવ્યો નહોતો અને બંનેએ જાહેરમાં છૂટાછેડાની વાત કરી નહોતી.
Related Articles
હવે સેન્સર બોર્ડની સુરક્ષામાં મોટું ગાબડું, 500થી વધુ ફિલ્મોના ડેટા લીક
હવે સેન્સર બોર્ડની સુરક્ષામાં મોટું ગાબડ...
Oct 25, 2026
ઈમરાન ખાનને દેશ છોડવાની નોટિસ મળતાં આમિર ખાન રાજ ઠાકરેને મળવા પહોંચ્યો
ઈમરાન ખાનને દેશ છોડવાની નોટિસ મળતાં આમિર...
Oct 19, 2026
ટાઈગર શ્રોફ પર ફાયરિંગના કેસમાં 4 શંકાસ્પદની અટકાયત: 3 રાજસ્થાન અને 1 ગુજરાત બોર્ડરથી પકડાયો!
ટાઈગર શ્રોફ પર ફાયરિંગના કેસમાં 4 શંકાસ્...
Oct 19, 2026
અભિનેતા ટાઇગર શ્રોફ પર ફાયરિંગ, 3 શખ્સો કારની સાઈડમાં તેમજ સામેથી ગોળીબાર કરી થયા ફરાર
અભિનેતા ટાઇગર શ્રોફ પર ફાયરિંગ, 3 શખ્સો...
Oct 19, 2026
'જેલર-2' ના મ્યુઝિક કમ્પોઝર સાથે લગ્ન કરશે SRHની માલિક કાવ્યા મારન, CM એ કરી પુષ્ટી
'જેલર-2' ના મ્યુઝિક કમ્પોઝર સાથે લગ્ન કર...
Oct 17, 2026
પિક્ચર અભી બાકી હૈ... ગંભીર ઈજા બાદ નુસરતે પહેલી પોસ્ટ કરી
પિક્ચર અભી બાકી હૈ... ગંભીર ઈજા બાદ નુસર...
Oct 12, 2026
Trending NEWS
16 November, 2026
16 November, 2026
16 November, 2026
14 November, 2026
12 November, 2026
08 November, 2026
08 November, 2026
08 November, 2026
08 November, 2026
08 November, 2026