વોશિંગ્ટન ડીસી: યુએસ રાષ્ટ્રપતિ ડોનાલ્ડ ટ્રમ્પ પેટ્રોલિયમ સ્ત્રોતો અને વેપાર પર યુએસનું પ્રભુત્વ જમાવવા માટે સતત પ્રયાસ કરી રહ્યા છે, અહેવાલો મુજબ પેટ્રોલિયમ માટે જ તેમણે વેનેઝુએલાના રાષ્ટ્રપતિનું અપહરણ કરાવ્યું અને સત્તા પલટો કરાવ્યો, હવે ઈરાન પર યુએસ સતત હુમલા કરી રહ્યું છે. એવામાં ટ્રમ્પે મંગળવારે યુએસમાં એક નવી ઓઇલ રિફાઇનરી બનાવવાની જાહેરાત કરી છે.

ટ્રમ્પે એક સોશિયલ મીડિયા પોસ્ટમાં ૩૦૦ અબજ ડોલરના ઐતિહાસિક સોદાની જાહેરાત કરી, ટેક્સાસ રાજ્યમાં બનનારી આ રીફાઈનરી છેલ્લા 50 વર્ષમાં પહેલી રીફાઈનરી હશે, આ રીફાઈનરીમાં ભારતની રિલાયન્સ ઇન્ડસ્ટ્રીઝ લિમીટેડ દ્વારા રોકાણ કરવામાં આવશે. પોતાના જ સોશિયલ મીડિયા પ્લેટફોર્મ ટ્રુથ સોશિયલ પર એક પોસ્ટમાં ટ્રમ્પે લખ્યું, "હું એ જાહેરાત કરતા ગર્વ અનુભવી રહ્યો છું કે કે અમેરિકા ફર્સ્ટ રિફાઇનિંગ ટેક્સાસના બ્રાઉન્સવિલેમાં ઓઇલ રિફાઇનરી ખોલી રહ્યું છે, જે 50 વર્ષમાં યુએસની પહેલી નવી રીફાઈનરી હશે."

ટ્રમ્પે પોસ્ટમાં લખ્યું, “આ ૩૦૦ અબજ ડોલરની ઐતિહાસિક ડીલ છે, જે અમેરિકાના ઇતિહાસમાં સૌથી મોટી ડીલ છે, આ અમેરિકન કામદારો, એનર્જી સેક્ટર અને દક્ષિણ ટેક્સાસના લોકો માટે એક મોટી જીત!”  આ સાથે ટ્રમ્પે ભારત સાથે સોદાની જાહેરાત કરતા ટ્રમ્પે લખ્યું, "આ મોટા રોકાણ માટે ભારતના અમારા ભાગીદારો અને તેમની સૌથી મોટી ખાનગી માલિકીની ઊર્જા કંપની, રિલાયન્સનો આભાર."