યુએસ-કેનેડા બોર્ડર પર ભારતીયોની તસ્કરીને લઈને EDએ ઘણી સંસ્થાઓ પર નજર રાખી છે. આ અંગે, EDએ કહ્યું કે તે કેનેડાની સરહદેથી ભારતીયોની તસ્કરી સંબંધિત મની લોન્ડરિંગ કેસમાં કેટલીક કેનેડિયન કોલેજો અને ભારતીય સંસ્થાઓની સંડોવણીની તપાસ કરી રહી છે. જેમાં કેનેડાની કેટલીક કોલેજો અને ભારતીય સંસ્થાઓની સંડોવણીની તપાસ કરવામાં આવી રહી છે. આરોપ છે કે તેમની મદદથી ભારતીયોની તસ્કરી કરવામાં આવી રહી છે. જે પહેલા કેનેડા અને બાદમાં અમેરિકા મોકલવામાં આવે છે. આ ED તપાસ ગુજરાતના ડીંગુચા ગામના ચાર સભ્યોના મૃત્યુ સાથે સંબંધિત છે. જે 19 જાન્યુઆરી, 2022ના રોજ ગેરકાયદેસર રીતે કેનેડા-યુએસ બોર્ડર ક્રોસ કરવાનો પ્રયાસ કરતી વખતે ભારે ઠંડીથી મૃત્યુ પામ્યા હતા. EDએ આ કેસમાં મુખ્ય આરોપી ભાવેશ અશોકભાઈ પટેલ અને અન્યો વિરુદ્ધ અમદાવાદ પોલીસ FIRની નોંધ લીધી અને પ્રિવેન્શન ઑફ મની લોન્ડરિંગ એક્ટ (PMLA) હેઠળ ફરિયાદ નોંધી હતી. EDની તપાસમાં અગાઉ જાણવા મળ્યું હતું કે માનવ તસ્કરીના આ રેકેટના ભાગરૂપે, આરોપીઓએ ગેરકાયદેસર રીતે અમેરિકા જવા ઈચ્છતા લોકો માટે કેનેડા સ્થિત કોલેજો અને યુનિવર્સિટીઓમાં પ્રવેશની વ્યવસ્થા કરી હતી. આવા લોકોએ કેનેડામાં સ્ટુડન્ટ વિઝા માટે એપ્લાય કર્યું અને પછી પહોંચ્યા, તેઓ કોલેજમાં જવાને બદલે ગેરકાયદેસર રીતે યુએસ-કેનેડા બોર્ડર ઓળંગી ગયા. EDએ જણાવ્યું હતું કે તેણે આ કેસમાં 10 ડિસેમ્બર અને 19 ડિસેમ્બરે મુંબઈ, નાગપુર, ગાંધીનગર અને વડોદરામાં આઠ સ્થળોએ નવી શોધખોળ હાથ ધરી હતી. એવું બહાર આવ્યું છે કે બંને સંસ્થાઓએ કમિશનના ધોરણે વિદેશી યુનિવર્સિટીઓમાં ભારતીયોના પ્રવેશ માટે 'કરાર' કર્યો હતો. આમાંથી એક સંસ્થા મુંબઈની અને બીજી નાગપુરની છે.