IPL 2025 શરુ થવામાં હવે ગણતરીના દિવસો બાકી છે. જેમાં 22 માર્ચે પહેલી મેચ ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે રમાશે. એવામાં IPLની આ સીઝન પહેલા જ મુંબઈની કેપ્ટનશીપ પર એક મોટો સંકેત મળ્યો છે. ફ્રેન્ચાઇઝીએ ગત સિઝનમાં રોહિત શર્માને કેપ્ટનશિપ પરથી હટાવી દીધો હતો. તેની જગ્યાએ હાર્દિક પંડ્યાને કેપ્ટનશિપની જવાબદારી સોંપવામાં આવી છે. જયારે હવે IPLએ X પર એક ફોટો શેર કર્યો છે જેમાં દરેક ટીમના કેપ્ટનને લઈને સસ્પેન્સનો લગભગ અંત આવ્યો છે. IPLએ X પર એક પોસ્ટ શેર કરી છે. તેમાં તમામ ટીમોના કેપ્ટનની તસવીરો છે. મુંબઈ તરફથી હાર્દિક પંડ્યાનો ચહેરો દેખાઈ રહ્યો છે. પંડ્યાએ ગત સિઝનમાં પણ ટીમની કેપ્ટનશીપ કરી હતી. X પર શેર કરાયેલા આ ફોટો સાથે IPLએ મુંબઈની કેપ્ટનશિપને લઈને મોટો સંકેત આપ્યો છે. પંડ્યા આ સિઝનમાં પણ મુંબઈની કેપ્ટનશિપ કરી શકે છે. ગત સિઝનમાં મુંબઈ ઈન્ડિયન્સનું પ્રદર્શન નિરાશાજનક રહ્યું હતું. ટીમ પોઈન્ટ ટેબલમાં સૌથી નીચેના સ્થાને હતી. મુંબઈએ કુલ 14 મેચ રમી હતી. આ સમયગાળા દરમિયાન, તેઓએ 4 મેચ જીતી અને 10 મેચમાં હારનો સામનો કરવો પડ્યો. મુંબઈને 8 પોઈન્ટ મળ્યા હતા.