આમ આદમી પાર્ટીમાંથી રાજીનામું આપનાર કૈલાશ ગેહલોત આજે ભાજપમાં જોડાયા છે. તેમણે ભાજપ મુખ્યાલય ખાતે સત્તાવાર રીતે ભાજપનું સભ્યપદ લીધું હતું.કૈલાશ ગેહલોતે ભાજપના નેતાઓ મનોહર લાલ ખટ્ટર, દુષ્યંત ગૌતમ અને હર્ષ મલ્હોત્રાની હાજરીમાં ભાજપનું સભ્યપદ લીધું. ભાજપમાં જોડાયા બાદ ગેહલોતે કહ્યું કે આમ આદમી પાર્ટી છોડવી સરળ નથી. મેં આ નિર્ણય રાતોરાત લીધો નથી.

ગેહલોતે કહ્યું કે જે લોકો આ નિવેદન કરી રહ્યા છે કે મેં કોઈના દબાણમાં આ નિર્ણય લીધો છે, તો તે ખોટું છે. આજ સુધી મેં ક્યારેય કોઈના દબાણમાં કોઈ કામ કર્યું નથી. 2015થી મારી રાજકીય કારકિર્દીમાં મેં ક્યારેય કોઈના દબાણમાં આવીને કંઈ કર્યું નથી. આ એક ગેરસમજ છે.