વડાપ્રધાન નરેન્દ્ર મોદીએ સિક્કિમના ગૅન્ગટોકની મુલાકાત દરમિયાન રાજ્યના 50મા સ્થાપના દિવસની ઉજવણી કરી હતી. તેમણે 4000 કરોડ રૂપિયાના ખર્ચે તૈયાર થનારા 30 વિવિધ પ્રોજેક્ટ્સનો શિલાન્યાસ કર્યો હતો. આ પ્રોજેક્ટ્સમાં રોડ-કનેક્ટિવિટી, હેલ્થકેર, શિક્ષણ અને પર્યટન જેવા મહત્વના ક્ષેત્રોનો સમાવેશ થાય છે. પીએમ મોદીએ રાજ્યના સમૃદ્ધ જૈવવૈવિધ્ય અને ઑર્કિડેરિયમની પણ મુલાકાત લીધી હતી.

મુલાકાત દરમિયાન વડાપ્રધાનનો એક અલગ જ અંદાજ જોવા મળ્યો હતો. તેઓ ગૅન્ગટોકમાં સવારે સ્પોર્ટ્સ ડ્રેસમાં વિદ્યાર્થીઓ સાથે ફૂટબોલ રમતા જોવા મળ્યા હતા. તેમણે આ પ્રસંગની તસવીરો અને વીડિયો સોશિયલ મીડિયા પર શેર કરતા લખ્યું હતું કે યુવાન મિત્રો સાથે ફૂટબોલ રમીને તેઓ ઊર્જાથી તરબતર થઈ ગયા છે. તેમણે સિક્કિમના સંરક્ષણ અને સ્થાયી જીવનશૈલીના મોડેલની પણ મુક્તકંઠે પ્રશંસા કરી હતી.