વડાપ્રધાન નરેન્દ્ર મોદી જી-20 સમિટમાં ભાગ લેવા બ્રાઝિલ પહોંચી ગયા છે. રિયો ડી જાનેરોમાં 18 અને 19 નવેમ્બરે 19મી G20 સમિટનું આયોજન થવા જઈ રહ્યું છે. પીએમ મોદીની ત્રણ દેશોની પાંચ દિવસીય મુલાકાતનો આ બીજો પડાવ છે.

બ્રાઝિલ પહોંચ્યા પછી, પીએમ મોદીએ સોશિયલ મીડિયા પ્લેટફોર્મ પર પોસ્ટ કર્યું કે તેઓ G20 સમિટમાં ઘણા વૈશ્વિક નેતાઓને મળવાનો વિશ્વાસ ધરાવે છે. પીએમ મોદી જ્યારે બ્રાઝિલ પહોંચ્યા ત્યારે ત્યાં ભારતીય સમુદાયના લોકોએ તેમનું ઉષ્માભર્યું સ્વાગત કર્યું. વૈદિક મંત્રોચ્ચાર અને ભારતીય શાસ્ત્રીય સંગીત વચ્ચે તેમનું સ્વાગત કરવામાં આવ્યું હતું.

પીએમ મોદીની બ્રાઝિલની આ મુલાકાત ઘણી રીતે મહત્વપૂર્ણ છે કારણ કે ગયા વર્ષે ભારતે G20 સમિટની યજમાની કરી હતી. PM મોદીના બ્રાઝિલ પહોંચ્યા બાદ વિદેશ મંત્રાલયે પોસ્ટ કર્યું કે PM મોદી G20 સમિટ માટે રિયો ડી જાનેરો પહોંચી ગયા છે.