વેસ્ટર્ન ડિસ્ટર્બન્સના કારણે ઉત્તર-પશ્ચિમ ભારતમાં મંગળવારે ફરી એકવાર હવામાન બદલાશે. દેશના પહાડી વિસ્તારોમાં વરસાદને કારણે ઠંડીમાં વધુ વધારો થઈ શકે છે. કારણ કે હવે હિમવર્ષા થવાની સંભાવના છે. 26 થી 28 ફેબ્રુઆરીની વચ્ચે ઉત્તરાખંડ અને હિમાચલ પ્રદેશના ઘણા વિસ્તારોમાં હવામાન ખરાબ રહી શકે છે. IMD એ આગામી ત્રણ દિવસ માટે મુંબઈ, થાણે, પાલઘર અને નવી મુંબઈમાં હીટવેવને લઈને એલર્ટ જાહેર કર્યું છે. IMDના અધિકારીના જણાવ્યા અનુસાર, તાપમાન સામાન્ય કરતા 6-7 ડિગ્રી વધારે છે. ફેબ્રુઆરી મહિનામાં મુંબઈમાં તાપમાન 38.5 ડિગ્રીએ પહોંચી ગયું હતું.

રાજધાની દિલ્હીમાં સોમવારે લઘુત્તમ તાપમાન 10.7 ડિગ્રી નોંધાયું હતું. જે સામાન્ય કરતા 1.1 ડિગ્રી ઓછું છે. ઘણા વિસ્તારોમાં મહત્તમ તાપમાન 27.7 ડિગ્રી નોંધાયું હતું. હવામાન વિભાગના જણાવ્યા અનુસાર, મંગળવારે સવારે રાજધાનીમાં આછું ધુમ્મસ જોવા મળી શકે છે, જ્યારે બપોર પછી તડકો રહેશે. જેના કારણે લોકોને ગરમીનો અનુભવ થશે.

યુપીમાં સવારે અને સાંજે ઠંડી પડે છે. રાત્રિના તાપમાનમાં ઘટાડો થયો છે. IMD અનુસાર, 27 ફેબ્રુઆરીથી રાજ્યના ઘણા જિલ્લાઓમાં વરસાદ થશે, જે આગામી બે દિવસ સુધી ચાલુ રહેશે. આ સમયગાળા દરમિયાન ગાઢ ધુમ્મસ પ્રવર્તી શકે છે. 2 માર્ચે હવામાન ફરી ચોખ્ખું થશે. IMD અનુસાર, હાલમાં રાજ્યમાં દિવસ દરમિયાન સૂર્યપ્રકાશ રહેશે અને રાત્રે થોડી ઠંડી રહેશે.