: ભાજપે કોંગ્રેસ સાંસદ રાહુલ ગાંધી વિરુદ્ધ ગંભીર આક્ષેપ કરીને ચૂંટણી પંચમાં પત્ર લખીને ફરિયાદ નોંધાવી છે. પત્રમાં રાહુલના ટ્વિટનો ઉલ્લેખ કરાયો છે. ભાજપે ચૂંટણી પંચને વિનંતી કરી છે કે, ‘સોશિયલ મીડિયા પ્લેટફોર્મ ‘X’એ તેમનું એકાઉન્ટ સસ્પેન્ડ કરવું જોઈએ તેમજ વાંધાજનક સામગ્રી હટાવવી જોઈએ. ભાજપના પત્રમાં એવો પણ ઉલ્લેખ કરાયો છે કે, ચૂંટણી પંચ રાહુલ ગાંધી વિરુદ્ધ ફોજદારી ફરિયાદ દાખલ કરવા અને ફોજદારી ટ્રાયલ શરૂ કરવા માટે રાજસ્થાનના મુખ્ય ચૂંટણી અધિકારીને નિર્દેશ આપે. ભાજપે આક્ષેપ કર્યો છે કે, કોંગ્રેસના સ્ટાર કેમ્પેનર રાહુલ ગાંધીએ આચાર સંહિતાનું ઉલ્લંઘન કરી સોશિયલ મીડિયા હેન્ડર એક્સ પર વાંધાજનક સામગ્રી પોસ્ટ કરી છે. ભાજપે ફરિયાદ પત્રમાં રાહુલ ગાંધીના ટ્વિટનો સ્ક્રીનશૉટ પણ શેર કર્યો છે. રાહુલ ગાંધીએ 25 નવેમ્બરે સવારે 8.00 કલાકે એક પોસ્ટ શેર કરી હતી, જેમાં રાજસ્થાનમાં કોંગ્રેસની ચૂંટણી ગેરેન્ટીનો ઉલ્લેખ કરાયો છે. ભાજપે આક્ષેપ કર્યો છે કે, ‘મતદાનના 48 કલાક પહેલા આચાર સંહિતા લાગુ પડી જાય છે અને આ દરમિયાન કોઈપણ પ્રકારનો ચૂંટણી પ્રચાર કરી શકાતો નથી, તેથી રાહુલ ગાંધીએ આ ટ્વિટ કરીને પીપલ્સ એક્સ 1951ની કલમ 126નું ઉલ્લંઘન કર્યું છે. આવા ઉલ્લંઘનના કેસમાં બે વર્ષની જેલ અને દંડની જોગવાઈ છે.