કેન્દ્ર સરકારે ડીઝલ પર નિકાસ-ડ્યુટી 21.5 રૂપિયા પ્રતિ લીટરથી વધારીને 55.5 રૂપિયા પ્રતિ લીટર કરી છે. એ સિવાય હાઈ-સ્પીડ ડીઝલ પર નિકાસ-ડ્યુટી અને સેસ પણ વધારવામાં આવી છે. સુધારેલા માળખા હેઠળ હાઈ-સ્પીડ ડીઝલ પર સ્પેશ્યલ ઍડિશનલ એક્સાઇઝ ડ્યુટી 24 રૂપિયા પ્રતિ લીટર કરવામાં આવી છે.

રોડ અને ઇન્ફ્રાસ્ટ્રક્ચર સેસ હવે 36 રૂપિયા પ્રતિ લીટર છે. બીજી તરફ એવિયેશન ટર્બાઇન ફ્યુઅલ (ATF) પર ડ્યુટી 29.5 રૂપિયા પ્રતિ લીટરથી વધારીને 42 રૂપિયા પ્રતિ લીટર કરવામાં આવી છે, જ્યારે પેટ્રોલ પર નિકાસ-ડ્યુટી શૂન્ય જ રાખવામાં આવી છે. આ નવા દર તાત્કાલિક અમલમાં આવશે.