મહારાષ્ટ્રના પુણેમાં પોલીસે ચંદનની દાણચોરીનો પર્દાફાશ કર્યો છે. પોલીસ ટીમે 25 કરોડની કિંમતનું ચંદન પણ જપ્ત કર્યું છે. આ કાર્યવાહી રવિવારે બપોરે કરવામાં આવી હતી. આ કેસમાં પોલીસે અર્પિત સિંહ નામના વ્યક્તિ અને કન્ટેનર ચાલકની અટકાયત કરી છે. હાલ પોલીસ બંનેની પૂછપરછ કરી રહી છે.

પ્રાપ્ત માહિતી અનુસાર, એન્ટી એસેટ્સ સ્ક્વોડે રવિવારે બપોરે પુણે-મુંબઈ એક્સપ્રેસ વે પર ઉર્સે ટોલ નાકા પર મુંબઈ તરફ જઈ રહેલા કન્ટેનરને પકડ્યું હતું. પોલીસને બાતમી મળી હતી કે કન્ટેનરમાં ચંદનનો મોટો જથ્થો તસ્કરી કરવામાં આવી રહ્યો છે. પોલીસને જાણવા મળ્યું છે કે નાળિયેરના દોરડા નીચે સંતાડીને કન્ટેનરમાં ચંદનની દાણચોરી કરવામાં આવી રહી છે.

દસથી બાર ટન ચંદન હોવાનું પોલીસે અનુમાન લગાવ્યું છે. આ ચંદનની કિંમત 20 થી 25 કરોડ રૂપિયાની આસપાસ હોવાની શક્યતા છે. આ કેસમાં પોલીસે અર્પિત સિંહ નામના વ્યક્તિ અને કન્ટેનર ચાલકની અટકાયત કરી છે. તેમજ પોલીસ પકડાયેલા આરોપીની પૂછપરછ કરી રહી છે અને એ જાણવાનો પ્રયાસ કરી રહી છે કે ચંદન ક્યાં જતો હતો? પોલીસે દાવો કર્યો છે કે આરોપીની પૂછપરછ દરમિયાન ઘણા મોટા ખુલાસા થઈ શકે છે. હાલ મામલાની તપાસ ચાલી રહી છે.