યુક્રેને રશિયા પર અત્યાર સુધીનો સૌથી મોટો હુમલો કર્યો છે. યુક્રેને મોસ્કો પર ડઝનેક ડ્રોન છોડ્યા છે, લોકો ઘાયલ થયા હોવાની માહિતી પણ સામે આવી છે. હુમલાને કારણે ઘણી ફ્લાઈટ્સ પણ ડાયવર્ટ કરવામાં આવી છે.

રોઇટર્સના અહેવાલ મુજબ, યુક્રેને ઓછામાં ઓછા 34 ડ્રોન વડે મોસ્કો પર હુમલો કર્યો છે, જે 2022 માં યુદ્ધ પછી રશિયન રાજધાની પર યુક્રેનનો સૌથી મોટો ડ્રોન હુમલો છે. આ હુમલાને કારણે શહેરના ત્રણ મોટા એરપોર્ટ પરથી ફ્લાઈટને ડાયવર્ટ કરવી પડી હતી.

સંરક્ષણ મંત્રાલયે કહ્યું કે રશિયન વાયુસેનાએ રવિવારે ત્રણ કલાકમાં પશ્ચિમી રશિયાના અન્ય વિસ્તારોમાં 36 ડ્રોનનો નાશ કર્યો. મંત્રાલયે કહ્યું કે કિવ સરકાર દ્વારા રશિયન ફેડરેશનના પ્રદેશ પર એરક્રાફ્ટ પ્રકારના ડ્રોનનો ઉપયોગ કરીને આતંકવાદી હુમલો કરવાના પ્રયાસને નિષ્ફળ બનાવવામાં આવ્યો હતો. રશિયન ટેલિગ્રામ ચેનલો પર પોસ્ટ કરાયેલા બિનસત્તાવાર વીડિયોમાં ડ્રોન આકાશમાં ફરતા જોવા મળે છે.