કેન્દ્રીય ગૃહ પ્રધાન અમિત શાહે મંગળવારે નવી દિલ્હીમાં ઉત્તર પ્રદેશના મુખ્યપ્રધાન યોગી આદિત્યનાથ સાથે રાજ્યમાં 3 નવા ફોજદારી કાયદાના અમલીકરણ અંગે સમીક્ષા બેઠક યોજી છે. બેઠકમાં ઉત્તર પ્રદેશમાં પોલીસ, જેલ, કોર્ટ, પ્રોસિક્યુશન અને ફોરેન્સિક સંબંધિત વિવિધ નવી જોગવાઈઓના અમલીકરણ અને વર્તમાન સ્થિતિની સમીક્ષા કરવામાં આવી.

બેઠકમાં કેન્દ્રીય ગૃહ સચિવ, મહાનિર્દેશક, BPR-D અને મહાનિર્દેશક, NCRB સહિત ગૃહ મંત્રાલય અને ઉત્તર પ્રદેશ સરકારના વરિષ્ઠ અધિકારીઓ હાજર હતા. બેઠકમાં ચર્ચા દરમિયાન ગૃહ પ્રધાને જણાવ્યું હતું કે વડાપ્રધાન નરેન્દ્ર મોદીના નેતૃત્વ હેઠળ લાવવામાં આવેલા ત્રણ નવા ફોજદારી કાયદાઓ સજા આધારિત નથી, પરંતુ પીડિત આધારિત છે અને તેમનો ઉદ્દેશ ઝડપી ન્યાય સુનિશ્ચિત કરવાનો છે. બેઠકમાં શાહે યુપીના સીએમ યોગી આદિત્યનાથને ફેબ્રુઆરી મહિનામાં નવા ફોજદારી કાયદાના અમલીકરણની પ્રગતિની સમીક્ષા કરવા અને શક્ય તેટલી વહેલી તકે રાજ્યમાં તેનો સંપૂર્ણ અમલ કરવા જણાવ્યું છે.