હાલમાં ભારત અને ઓસ્ટ્રેલિયા વચ્ચે રમાઈ રહેલી બોર્ડર-ગાવસ્કર ટ્રોફીની ચોથી ટેસ્ટ મેચ 26 ડિસેમ્બર(બોક્સિંગ ડે)ના રોજ મેલબોર્નમાં રમાશે. આ ટેસ્ટ મેચ પહેલા કૅપ્ટન રોહિત શર્માએ 24 ડિસેમ્બરે એક પ્રેસ કોન્ફરન્સને સંબોધિત કરી હતી. જ્યાં તેણે સ્ટાર ઓપનર યશસ્વી જયસ્વાલ વિશે પણ વાત કરી હતી. રોહિતે કહ્યું હતું કે, 'જયસ્વાલ અહીંયા પહેલીવાર રમવા આવ્યો છે. અત્યાર સુધીમાં તેણે બતાવી દીધું છે કે તે શું કરવા માટે સક્ષમ છે. તેની પાસે ઘણું ટેલેન્ટ છે. આ સ્થિતિમાં તેને વધારે પડતું ટોક્વાનો કોઈ અર્થ નથી. તે પોતાની રમત સારી રીતે જાણે છે. અમે તેને પોતાની રીતે રમવા માટે છોડી દીધો છે. તે પરિસ્થિતિ અનુસાર મેચમાં રમે છે. આપણે બધાં જાણીએ છીએ કે જો તે પોતાની લયમાં હોય તો તે ખૂબ જ ખતરનાક ખેલાડી છે.'