યુનાઈટેડ સ્ટેટ્સના સ્પેન્સર, મેસેચ્યુસેટ્સમાં એક 160 વર્ષ જૂનું ચર્ચ આગથી નાશ પામ્યું હતું. ફાયર વિભાગના અધિકારીઓએ આ ઘટના વીજળી પડવાને કારણે બની હોવાનું જણાવ્યું હતું. સત્તાવાળાઓએ માહિતી આપી હતી કે આગમાં કોઈને ઈજા થઈ નથી કારણ કે ચર્ચ જ્યારે આગની લપેટમાં આવી ગયું ત્યારે તે ખાલી હતું. આગને કાબૂમાં લેવા માટે લગભગ 100 ફાયર ફાઈટરો મોકલવામાં આવ્યા હતા.

આગ ચર્ચના સ્ટીપલથી તેના ગ્રાઉન્ડ ફ્લોર સુધી ફેલાઈ હતી. સ્ટીપલ આખરે સંપૂર્ણપણે બળી ગયો અને નીચે પડી ગયો હતો. ચર્ચના પાદરી રેવ બ્રુસ મેકલિયોડે જણાવ્યું હતું કે ચર્ચ લાકડા અને અન્ય સામગ્રીનો ઉપયોગ કરીને બનાવવામાં આવ્યું હતું અને તે 1800ના દાયકાનું છે. ચર્ચની વેબસાઈટ મુજબ, ચર્ચનું અગાઉનું વર્ઝન આગમાં નાશ પામ્યા પછી 1863માં તેનું પુનઃનિર્માણ કરવામાં આવ્યું હતું. 

આ ચર્ચનું નિર્માણ મૂળ 1743માં કેમ્બ્રિજના ધનાઢ્ય વેપારી નેથેનિયલ કનિંગહામ દ્વારા દાનમાં આપવામાં આવેલી જમીન પર કરવામાં આવ્યું હતું. 1772માં, તેને મોટા ચર્ચ બિલ્ડિંગમાં ફેરવવામાં આવ્યું હતું. 1802માં એક સ્ટીપલ અને બેલ ઉમેરવામાં આવ્યા હતા. દરમિયાન, સળગી ગયેલા ચર્ચનો બાકીનો હિસ્સો સંપૂર્ણપણે નીચે લાવવામાં આવશે કે કેમ તે અંગે તપાસકર્તાઓએ હજી નિર્ણય લેવાનો બાકી છે.