ભારતથી લઈને અમેરિકા સુધી હિન્દુ ધર્મના લોકોએ પોતાના ઘરને શણગારવાનું શરૂ કરી દીધું છે. દિવાળી હિંદુ ધર્મના મહત્વના તહેવારોમાંનો એક છે અને અમેરિકી રાષ્ટ્રપતિ જો બાઈડેન પણ આ વાત જાણે છે અને સોમવારે વ્હાઇટ હાઉસમાં ભારતીય મૂળના નાગરિકો માટે દિવાળી પાર્ટીનું આયોજન કર્યું છે.  

ભારતીય મૂળની અમેરિકી અવકાશયાત્રી સુનિતા વિલિયમ્સ અવકાશમાંથી અભિનંદન પાઠવશે. અમેરિકાના વ્હાઈટ હાઉસના નિવેદનમાં એમ પણ કહેવામાં આવ્યું છે કે, રાષ્ટ્રપતિ જો બાઈડેનની પાર્ટીમાં નાસાના અવકાશયાત્રી સુનિતા વિલિયમ્સનો એક વીડિયો સંદેશ પણ ચલાવવામાં આવશે.

વિલિયમ્સે આ સંદેશ ઈન્ટરનેશનલ સ્પેસ સ્ટેશન પરથી રેકોર્ડ કર્યો છે, જ્યાં તે સપ્ટેમ્બરથી હાજર છે. સુનિતા વિલિયમ્સ ભારતીય મૂળની હિંદુ છે, જેણે અગાઉ ISS તરફથી વિશ્વભરના લોકોને દિવાળીની શુભેચ્છાઓ મોકલી હતી. વ્હાઇટ હાઉસના જણાવ્યા અનુસાર, તેમણે સમોસા, ઉપનિષદ અને ભગવદ ગીતાની નકલો લાવીને અવકાશમાં પોતાનો વારસો પણ ઉજવ્યો.