નાણામંત્રીએ કેન્દ્રીય બજેટ 2026-27માં વિકસિત ભારતનાં લક્ષ્યને ધ્યાનમાં રાખીને મેન્યુફેક્ચરિંગ, હેલ્થકેર અને રેર અર્થ માટે ઘણાં ક્રાંતિકારી પ્રસ્તાવ રજૂ કર્યા છે. સરકારે ભારતને દુનિયાનો મેન્યુફેક્ચરિંગ હબ બનાવવા માટે નેશનલ મેન્યુફેક્ચરિંગ મિશનને વધુ મજબૂતી આપવાની વાત કહી છે. ઘરેલુ ઉત્પાદન વધારવા માટે પ્રોડક્શન લિંક્ડ ઇન્સેન્ટિવ (PLI) સ્કીમના બજેટમાં વધારાની વાત કહેવામાં આવી છે, ખાસ કરીને ઇલેક્ટ્રોનિક્સ અને સેમિ-કંડક્ટર ક્ષેત્રમાં.

નિર્મલા સીતારામને ટિયર ટૂ અને ટિયર થ્રી શહેરોની આસપાસ નવા વિશિષ્ટ મેન્યુફેક્ચરિંગ પાર્ક અને ક્લસ્ટર બનાવવાનો પ્રસ્તાવ રજૂ કર્યો છે. ગતિ શક્તિ યોજના હેઠળ પાયાનાં માળખાં પર ખર્ચ વધારવામાં આવશે, જેથી સામાનનો પરિવહન ખર્ચ ઘટી શકે.દવા ઉદ્યોગમાં ભારતની વૈશ્વિક સ્થિતિને મજબૂત કરવા માટે બાયોફાર્મા શક્તિ યોજનાનો પ્રસ્તાવ રજૂ કરાયો. તેના માટે આગામી પાંચ વર્ષ માટે 10,000 કરોડ રૂપિયાનો ખર્ચ પ્રસ્તાવિત છે. 

દેશભરમાં 1,000 માન્યતાપ્રાપ્ત ક્લિનિકલ ટ્રાયલ સાઇટ્સનું એક નેટવર્ક બનાવવામાં આવશે, જેથી નવી દવાઓનાં પરીક્ષણ અને શોધમાં ઝડપ આવે. ભારતને જૈવિક દવાઓના ઉત્પાદનમાં અગ્રણી બનાવવા પર વિશેષ ભાર મુકાયો છે.ભવિષ્યની તકનીક અને સુરક્ષા ક્ષેત્ર માટે મહત્ત્વપૂર્ણ ખનીજો પર આત્મનિર્ભર બનવાની વાત કહેવામાં આવી છે. ઇવી, સુરક્ષા અને એરોસ્પેસમાં ઉપયોગી રેર અર્થ મેગ્નેટના સ્થાનિક નિર્માણ માટે મોટી નાણા સહાયતાની જોગવાઈ છે.