પ્રયાગરાજ  : પ્રયાગરાજ મહાકુંભમાં મંગળવારની રાત્રે ભીડ એટલી વધી ગઈ કે, નાસભાગ મચી ગઈ. સંગમ કિનારે ભીડના કારણે નાસભાગમાં અત્યાર સુધી 10 લોકોની મોત અને સાત લોકો ઈજાગ્રસ્ત થયા હોવાની જાણકારી મળી છે. ઈજાગ્રસ્તોને કુંભ ક્ષેત્રના સેક્ટર-2 માં બનાવવામાં આવેલી હોસ્પિટલમાં દાખલ કરવામાં આવ્યા છે. 

આ દરમિયાન દુર્ઘટના સમયે ત્યાં હાજર પીડિતોએ મીડિયા સાથે વાત કરતાં કરી હતી. બિહારના ઔરંગાબાદથી સૂરજ યાદવ નામના વ્યક્તિએ જણાવ્યું કે, 12-13 લોકો ગંગા સ્નાન માટે આવ્યા હતાં. એ દરમિયાન નાસભાગ મચી અને મારી મા દબાઈને મરી ગઈ. 

દુર્ઘટનામાં પોતાની પત્નીને ગુમાવનાર ફૂલચંદ વિશ્વકર્મા નામના વ્યક્તિએ જણાવ્યું કે, રાત્રે ગંગામાં સ્નાન કરીને નીકળ્યા તો જોયું કે, ત્યાંથી ગેટ ખુલ્લો હતો. બંને બાજુ પબ્લિક હતી. લોકો એકબીજાને કચડી-કચડીને ભાગી રહ્યા હતાં. મારી પત્નીની મોત થઈ ગઈ અને હું અડધો કલાક ભીડમાં નીચે દબાયેલો હતો.

'માણસો પર માણસ પડતા રહ્યાં...'

ઔરંગાબાદથી જ આવેલા વિનય કુમાર નામના એક વ્યક્તિએ જણાવ્યું કે, અમુક લોકો ઘાટ તરફ જઈ રહ્યા હતાં. એટલાંમાં આગળ વધેલાં અમુક લોકો આગળ વધ્યા અને અમુક લોકો પાછા આવવા લાગ્યાં. અહીંથી જઈ રહેલાં લોકોએ ધક્કો માર્યો તો કોઈ બહાર જ ન નીકળી શક્યા અને તે જગ્યાએ કોઈ પોલીસ નહતી. આ દરમિયાન ભીડમાં લોકો પડ્યાં અને બાદમાં માણસો પર માણસો પડતા રહ્યાં. કોઈ ઉપાડી ન શક્યા અને દબાઈને લોકોની મોત થઈ ગઈ. 

મૌની અમાવસ્યા પર સ્નાનના કારણે મંગળવારે રાત્રે 2 વાગ્યે સંગમ તટ પર શ્રદ્ધાળુઓની ભારે ભીડ ઉમટી હતી. આ દરમિયાન બેરિકેડિંગનો એક ભાગ તૂટીને પડી ગયો અને નાસભાગ મચી ગઈ. થોડી જ મિનિટોમાં સ્થિતિ બેકાબૂ થઈ ગઈ અને લોકો ગમે ત્યાં ભાગવા લાગ્યા. અનેક શ્રદ્ધાળુઓનો સામાન પડી ગયો, જેનાથી અવ્યવસ્થા ફેલાઈ ગઈ. લોકો એકબીજાને કચડી રહ્યા હતાં. 

આ ઘટનાના પ્રત્યક્ષદર્શીએ કહ્યું કે, અમે આરામથી જઈ રહ્યા હતાં, ત્યારે અચાનક ભીડ આવી ગઈ, ધક્કા-મુક્કી થવા લાગી. અમે બચવાનો પ્રયાસ કર્યો, પરંતુ ક્યાંય જગ્યા નહતી. બધાં જ્યાં-ત્યાં ભાગવા લાગ્યાં, ઘણાં લોકો ઈજાગ્રસ્ત થઈ ગયા. સ્થિતિ એવી હતી કે, ખબર જ ન પડી શું થઈ રહ્યું છે.'

મોડી રાત્રે નાસભાગની સૂચના મળતાં જ પોલીસ, પેરામિલિટ્રી ફોર્સ અને ફાયર બ્રિગેડની ટીમ સ્થળે પહોંચી. આ વિસ્તારમાં પહેલેથી જ ફાયર સર્વિસ ઑલ-ટેરેન વ્હીકલ હાજર હતાં, જેની મદદથી ઘણાં ઈજાગ્રસ્તોને કાઢવામાં આવ્યા હતાં. 

જણાવી દઈએ કે, સરકાર તરફથી રજૂ કરવામાં આવેલાં આંકડા અનુસાર, 13 જાન્યુઆરીથી શરૂ કરવામાં આવેલાં મહાકુંભમાં અત્યાર સુધી લોકો ડૂબકી લગાવી ચુક્યા છે. બુધવારે (29 જાન્યુઆરી) મૌની અમાવસ્યા પર 10 કરોડથી વધુ શ્રદ્ધાળુઓ અહીં પહોંચવાની આશા વ્યક્ત કરી હતી. આ દરમિયાન આ અકસ્માતે ઘણી સ્થિતિ બદલી દીધી છે.