ટોરન્ટો : ટોરન્ટોમાં ૩૨ વર્ષીય અબ્દુલ ગફૂરીની પોતાની ૩૦ વર્ષીય ભારતીય પાર્ટનર હિમાંશી ખુરાનાની કથિત હત્યાના આરોપમાં ધરપકડ કરવામાં આવી છે. સાત મહિનાથી વધુ સમય સુધી ફરાર રહ્યા પછી કેનેડા પાછા ફરવા પર ગફૂરીને ટોરન્ટો એરપોર્ટ પર અટકમાં લેવાયો. તેના પર પ્રથમ ડીગ્રી હત્યાનો આરોપ છે.

ગયા વર્ષે ડિસેમ્બરમાં એક લાપતા વ્યક્તિની રિપોર્ટ મળ્યા પછી પોલીસ ટોરન્ટોના એક ઘરમાં પહોંચી, જ્યાં ખુરાના મૃત અવસ્થામાં મળી આવી.

અધિકારીઓને જાણ થઈ કે તેની હત્યા | કરવામાં આવી હતી અને પછી જાણ થઈ કે ગફૂરીના તેની સાથે નિકટના સંબંધ હતા. ત્યાર પછી તેની ધરપકડ માટે વોરંટ જારી કરાયું. ટોરન્ટો પોલીસના ફૂયુજિટિવ સ્ક્વોડ અને હોમીસાઈડ એન્ડ મિસિંગ પર્સન્સ યુનિટે ગફૂરીની વાપસી માટે કેનેડાના તેમજ આંતરરાષ્ટ્રીય કાનૂન પ્રવર્તન એજન્સીઓ સાથે મળીને કામ કર્યું. જો કે ગફૂરીને કયા દેશમાંથી પાછો લાવવામાં આવ્યો તેમજ કથિત હત્યાથી સંકળાયેલી ખાસ જાણકારી પોલીસે ઉજાગર નથી કરી.