યૂટ્યૂબની દુનિયામાં એક નવો ઈતિહાસ રચાયો છે. જાણીતા કન્ટેન્ટ ક્રિએટર MrBeast જેનુ નામ જિમી ડોનાલ્ડસન છે, તે હવે 400 મિલિયન એટલે કે 40 કરોડ સબસ્ક્રાઈબરનો આંકડો પાર કરવાવાળા પહેલા યૂટ્યૂબર બની ગયા છે. આ આંકડો તેમણે 2 જૂન 2025 એ પાર કર્યો અને તેની સાથે યૂટ્યૂબ પર સૌથી વધુ સબસ્ક્રાઈબર મેળવવાનો ખિતાબ પણ પોતાના નામે કરી લીધો હતો.

આ અચિવમેન્ટથી તેના ફેન્સ ખૂબ ખુશ છે અને સોશિયલ મિડીયા પર તેને અભિનંદન આપી રહ્યા છે. ઘણા લોકો તેને ઈન્ટરનેટના ઈતિહાસની સૌથી મોટી સિદ્ધિ કહી રહ્યા છે.   જિમીએ યૂટ્યુબ પર પોતાના સફની શરૂઆત વર્ષ 2012માં કરી હતી. ત્યારે તેમણે “MrBeast6000” ના નામથી વિડીયો અપલોડ કરવાનું શરુ કર્યુ હતું. 

શરૂઆમાં તેઓ ગેમિંગ વિડીયો અને કોમેન્ટ્રી બનાવતા હતા. પછી તેમણે ધીમે ધીમે કન્ટેન્ટ પર ફોકસ કર્યું. જેમ કે 100000સુધી ગણતરી કરવી, કલાકો સુધી એક જ શબ્દ બોલવો અને બીજી પણ ઘણી ચેલેન્જ પુરી કરવી. આ વિચિત્ર આઈડિયાને કારણે તેમની ચેનલ ખૂબ ઝડપથી ફેમસ થઈ ગઈ અને જોત જોતામાં એક લેવલ પર પહોંચી ગઈ.