કોંગોમાં મુશળધાર વરસાદ વિનાશ સર્જી રહ્યો છે તેના કારણે થયેલા ભૂસ્ખલનમાં 17 લોકોના મોત થયા છે. મીડિયા રિપોર્ટ્સથી મળેલી માહિતી અનુસાર અધિકારીઓએ રવિવારે કહ્યું હતું કે ભૂસ્ખલનમાં ઘણા ઘરો ધ્વસ્ત થઈ ગયા છે. હજુ પણ કેટલાક લોકો કાટમાળ નીચે દટાયા હોવાની આશંકા છે.

હાલ રેસ્ક્યુ ઓપરેશન ચાલી રહ્યું છે. તેમણે કહ્યું હતું કે મૃત્યુઆંક વધી શકે છે. રિપોર્ટ અનુસાર, આ ભૂસ્ખલન કોંગો નદીના કિનારે મોંગલા પ્રાંતના લિસ્લે શહેરમાં થયું છે. પીડિતો પર્વતની તળેટીમાં બનેલા મકાનોમાં રહેતા હતા. તમને જણાવી દઈએ કે આ વિસ્તારોમાં ભારે વરસાદને કારણે ઘણું નુકસાન થઈ રહ્યું છે.

વરસાદે અનેક મકાનો ધરાશાયી કર્યા છે. કાટમાળ નીચે દબાઈને લોકોના મોત થયા છે. મોંગલાના ગવર્નરે કહ્યું હતું કે કાટમાળ હટાવવા અને લોકોને બચાવવા માટે મશીનરીની સખત જરૂર છે. આ સિવાય રાજ્યપાલે પીડિત પરિવારો પ્રત્યે સંવેદના વ્યક્ત કરી છે અને સમગ્ર પ્રાંતમાં ત્રણ દિવસના શોકની જાહેરાત કરી છે.