રેસેપ તૈયપ એર્દોગનની જીત બાદ અમેરિકાના રાષ્ટ્રપતિ જો બાઈડેને કહ્યું હતું કે, તેઓ એર્દોગન સાથે વહેંચાયેલ વૈશ્વિક પડકારો પર કામ કરવાની આશા રાખે છે. બાઈડેને કહ્યું હતું કે, 'હું દ્વિપક્ષીય મુદ્દાઓ અને શેર કરેલ વૈશ્વિક પડકારો પર નાટો સહયોગી તરીકે સાથે મળીને કામ કરવાનું ચાલુ રાખવા માટે આતુર છું.' ભારતના વડાપ્રધાન નરેન્દ્ર મોદીએ પણ ટ્વીટર પર એર્દોગનને અભિનંદન પાઠવ્યા હતા. તેમણે ટ્વીટ કર્યું હતું કે, 'મને ખાતરી છે કે અમારા દ્વિપક્ષીય સંબંધો અને વૈશ્વિક મુદ્દાઓ પર સહયોગ આગામી સમયમાં વધતો રહેશે.'

ચીનના વિદેશ મંત્રાલયના પ્રવક્તા માઓ નિંગે કહ્યું હતું કે, 'અમે ઈચ્છીએ છીએ કે એર્દોગનના નેતૃત્વમાં તુર્કી તેના વિકાસમાં નવી સિદ્ધિઓ મેળવતું રહેશે. વિકાસના માર્ગ પર આગળ વધવા માટે બીજિંગ તુર્કીને સમર્થન આપવાનું ચાલુ રાખશે.' રશિયાના રાષ્ટ્રપતિ વ્લાદિમીર પુતિને પણ રેસેપ તૈયપ એર્દોગનને અભિનંદન પાઠવ્યા હતા.

તેમણે કહ્યું હતું કે તમારી જીત તમારા કામનું તાર્કિક પરિણામ છે. રાજ્યના સાર્વભૌમત્વને મજબૂત કરવા અને સ્વતંત્ર વિદેશ નીતિને આગળ ધપાવવાના તમારા પ્રયાસોને તુર્કીના લોકોના સમર્થનના સ્પષ્ટ પુરાવા છે. નોંધનીય છે કે,તમામ મતભેદો હોવા છતાં પુતિન અને એર્દોગને આંતરરાષ્ટ્રીય સ્તરે સાથે કામ કર્યું છે.