ઈરાન હવે ઈઝરાયલ સામે બદલો લેશે, તે નિશ્ચિત છે, પરંતુ આ વખતે ઈરાન અમેરિકા સામે પણ બદલો લેશે. ઈરાન અને તેના પ્રોક્સીઓ અરેબિયામાં અમેરિકાના સૈન્ય મથકને નષ્ટ કરવા માટે લશ્કરી કાર્યવાહી શરૂ કરવા જઈ રહ્યા છે. બ્રિટિશ ગુપ્તચર એજન્સીઓને મળેલા ઈનપુટથી ઈરાનના નેતા આયાતુલ્લા અલી ખામેનેઈ અને તેની સેનાની ખતરનાક પ્લાન બનાવી છે. અહેવાલો અનુસાર, ઈરાન માત્ર મિસાઈલથી ઈઝરાયલ પર હુમલો નહીં કરે પરંતુ ઈઝરાયલની બહાર પોતાના ટાર્ગેટને પણ બ્લાસ્ટ કરી શકે છે. ઈરાને ઈઝરાયલની સાથે અમેરિકાને પણ નુકસાન પહોંચાડવાનો પ્લાન તૈયાર કર્યો છે. ઈરાન ઈઝરાયલ પર બેલેસ્ટિક મિસાઈલથી હુમલો કરી શકે છે. અમેરિકા અને યુરોપમાં ઈઝરાયલની દૂતાવાસો જોખમમાં છે. અરેબિયામાં અમેરિકન મિલિટરી બેઝ પર પણ હુમલો કરી શકે છે. ઈરાન ઈઝરાયેલ અને અમેરિકા સામે એક સાથે ત્રણ મોરચા ખોલવા જઈ રહ્યું છે. ઈરાનના સ્લીપર સેલ અને આત્મઘાતી બોમ્બર અમેરિકા અને યુરોપમાં હુમલા કરશે. ઈરાને ઘણાં દેશોમાં હાજર તેના સ્લીપર સેલને સક્રિય કરી દીધા છે. આત્મઘાતી બોમ્બરોને પણ તૈનાત કરવામાં આવ્યા છે. ઈઝરાયલની અંદર આત્મઘાતી બોમ્બરોને વીવીઆઈપી લોકોને મારવાનું કામ સોંપવામાં આવ્યું છે, જ્યારે ઈઝરાયલની બહારના સ્લીપર સેલને ઈઝરાયેલની એમ્બેસીને ઉડાડવાની જવાબદારી આપવામાં આવી છે. બ્રિટિશ ઇન્ટેલિજન્સ એજન્સીના અહેવાલની પુષ્ટિ તે સમયે કરવામાં આવી હતી, જ્યારે તેલ અવીવમાં આત્મઘાતી હુમલા શરૂ થયા હતા. ઈઝરાયલની સેનાએ ઈરાનમાં જોરદાર હવાઈ હુમલા કર્યા હતા. ઈરાનના આત્મઘાતી હુમલા ઈઝરાયલમાં શરૂ થયા. તેલ અવીવમાં એક ટ્રક ડ્રાઈવરે ઈઝરાયલી સૈનિકોને તેની ટ્રકથી કચડીને મારવાનો પ્રયાસ કર્યો હતો. આ ઘટના તેલ અવીવમાં ગ્લીલોટ મિલિટરી બેઝ નજીક બની હતી. એવી આશંકા છે કે ઈરાની આત્મઘાતી બોમ્બરે બેઝ પાસે હાજર સૈનિકો પર ટ્રક ઘુસાડી દીધી હતી. આ હુમલામાં લગભગ 10 જવાનો શહીદ થયા હતા. જ્યારે 50થી વધુ જવાનો ઘાયલ થયા છે. ઘણાં સૈનિકોની હાલત નાજુક છે, તેથી મૃત્યુઆંક વધી શકે છે. ઈઝરાયલના સૈનિકોએ ટ્રક ડ્રાઈવરને ગોળી મારીને સ્થળ પર જ મોતને ઘાટ ઉતારી દીધો હતો.