વડા પ્રધાન નરેન્દ્ર મોદીએ વિધિ અને નિયમો સાથે નવી સંસદમાં સેંગોલની સ્થાપના કરીને રાષ્ટ્રને સમર્પિત કર્યું છે.નવી સંસદના ઉદ્ઘાટન પહેલા વડા પ્રધાને 26 મેના રોજ તેમના ટ્વિટર હેન્ડલ પર નવી સંસદનો એક વીડિયો શેર કર્યો હતો અને લોકોને અપીલ કરી હતી કે તેઓ તેને તેમનો અવાજ આપે અને સોશિયલ મીડિયા પર #MyParliamentMyPride હેશટેગ પોસ્ટ કરે.ત્યાર બાદ ઘણી ફિલ્મી હસ્તીઓ, રાજકારણીઓ અને સામાન્ય લોકોએ આ વીડિયોને પોતાનો અવાજ આપ્યો અને પછી તેને સોશિયલ મીડિયા પર શેર કર્યો હતો.

પીએમ મોદીની વિનંતી બાદ શાહરૂખ ખાન, અક્ષય કુમાર, અનુપમ ખેર, મનોજ મુન્તાશીર જેવી ફિલ્મી હસ્તીઓએ સંસદ ભવનના નવા વિડિયોમાં પોતાનો અવાજ આપ્યો છે જેને ખુદ પીએમ મોદીએ રીટ્વીટ કર્યો છે.

વીડિયોમાં શાહરૂખ ખાન નવા સંસદ ભવનને 'આપણા બંધારણને સંભાળનારા લોકો માટે નવું ઘર' ગણાવતા કહે છે, 'નવું સંસદ ભવન. આપણી આશાઓનું નવું ઘર, આપણા બંધારણની સંભાળ રાખનારાઓ માટેનું ઘર, જ્યાં 140 કરોડ ભારતીયો એક પરિવાર છે.

આ નવું ઘર એટલું મોટું બને કે તેમાં દેશના દરેક પ્રદેશ, ગામ, શહેર અને ખૂણેથી દરેકને સમાવી શકાય. આ ઘરની બાહુઓ એટલી પહોળી હોય કે દેશની દરેક જાતિ, અને ધર્મના લોકો તેને પ્રેમ કરી શકે. એટલું ઊંડું હોવું જોઈએ કે તે દેશના દરેક નાગરિક અને તેમની સમસ્યાઓ જોઈ જાણી અને સમજી શકે. અહીં સત્યમેવનું સૂત્ર કોઈ સ્લોગન નથી, વિશ્વાસ હો....' પીએમ મોદીએ આ વીડિયોને રિટ્વીટ કર્યો અને લખ્યું હતું કે, 'સુંદર અભિવ્યક્તિ! નવું સંસદ ભવન લોકતાંત્રિક શક્તિ અને પ્રગતિનું પ્રતીક છે...'