રાષ્ટ્રવાદી કોંગ્રેસ પાર્ટી (SP)ના અધ્યક્ષ શરદ પવારની તબિયત સોમવારે અચાનક બગડતા તેમને બારામતીથી તાત્કાલિક પુણેની પ્રસિદ્ધ રૂબી હોલ ક્લિનિકમાં ખસેડવામાં આવ્યા છે. 85 વર્ષીય વયોવૃદ્ધ નેતાને છેલ્લા કેટલાક સમયથી સતત ઉધરસ અને તાવની સમસ્યા થઈ રહી હતી. 

હોસ્પિટલના ડૉ. ગ્રાન્ટના જણાવ્યા અનુસાર, હાલ તેમની પ્રાથમિક તપાસ કરવામાં આવી રહી છે અને રિપોર્ટ્સ આવ્યા બાદ જ નક્કી કરવામાં આવશે કે તેમને હોસ્પિટલમાં દાખલ રાખવા કે ઘરે આરામની સલાહ આપવી. શરદ પવારની નાદુરસ્ત તબિયતના સમાચાર વાયુવેગે ફેલાતા તેમના સમર્થકો ચિંતામાં છે અને હોસ્પિટલની બહાર સુરક્ષા વ્યવસ્થા સખત કરી દેવામાં આવી છે.