અમદાવાદઃ રાજ્યમાં વરસાદના ત્રીજા રાઉન્ડની જોરદાર એન્ટ્રી બાદ ગુજરાતમાં સિઝનનો સરેરાશ વરસાદ 64.76 ટકા સુધી પહોંચ્યો છે. સ્ટેટ ઈમરજન્સી ઓપરેશન સેન્ટરના આંકડા મુજબ કચ્છમાં 20.67 ટકા, ઉત્તર ગુજરાતમાં 46.76 ટકા, પૂર્વ-મધ્ય ગુજરાતમાં 62.16 ટકા, સૌરાષ્ટ્રમાં 48.81 ટકા અને દક્ષિણ ગુજરાતમાં સૌથી વધુ 91.35 ટકા વરસાદ નોંધાયો છે.

રાજ્યના 30 તાલુકાઓમાં સિઝનનો વરસાદ 100 ટકાથી વધુ નોંધાયો છે. તેમાં પાટણના સાંતલપુરમાં 111.23 ટકા, મહેસાણાના કડીમાં 115.19 ટકા, અમદાવાદના ધંધુકામાં 103.73 ટકા, ધોળકામાં 105.67 ટકા, માંડલમાં 107.40 ટકા અને વિરમગામમાં 114.40 ટકા વરસાદ નોંધાયો છે. ખેડામાં 101.28 ટકા, મહેમદાવાદમાં 135.17 ટકા, માતરમાં 109.25 ટકા, નડિયાદમાં 140.27 ટકા અને વસોમાં 120.38 ટકા વરસાદ પડ્યો છે. ઉપરાંત જૂનાગઢના માંગરોળમાં 109.74 ટકા, ભરૂચના નેત્રંગમાં 134.07 ટકા, તાપીના વાલોડમાં 110.96 ટકા અને ડોલવણમાં 122.51 ટકા વરસાદ નોંધાયો છે.

સુરત જિલ્લાના અંબિકામાં સૌથી વધુ 149.79 ટકા વરસાદ નોંધાયો છે. ઉપરાંત બારડોલીમાં 108.60 ટકા, કામરેજમાં 115.29 ટકા, ઓલપાડમાં 106.33 ટકા, પલસાણામાં 134.46 ટકા, સુરત શહેરમાં 104.99 ટકા અને ઉમરપાડામાં 104.63 ટકા વરસાદ નોંધાયો છે. નવસારીના ચીખલીમાં 122.11 ટકા, ખેરગામમાં 122.68 ટકા, નવસારીમાં 101.62 ટકા, વાંસદામાં 117.55 ટકા તેમજ વલસાડના કપરાડામાં 105.17 ટકા, પારડીમાં 106.75 ટકા, ઉમરગામમાં 128.04 ટકા અને વલસાડમાં 109 ટકા વરસાદ નોંધાયો છે. જિલ્લાવાર આંકડા મુજબ નવસારીમાં 110.49 ટકા અને વલસાડમાં 102.25 ટકા વરસાદ નોંધાઈ ચૂક્યો છે, જ્યારે સુરત જિલ્લામાં સિઝનનો વરસાદ 98.28 ટકા સુધી પહોંચ્યો છે.