અમેરિકન કોર્ટનો NSA અજિત ડોભાલને સમન્સ પાઠવવાનો આદેશ
November 20, 2026
દિલ્હીની અદાલતો મારફતે સમન્સ મોકલવાનો નિર્દેશ
ન્યુ યોર્ક ઃ ખાલિસ્તાની આતંકવાદી ગુરપતવંત સિંહ પન્નુ દ્વારા દાખલ કરવામાં આવેલા એક કેસના સંદર્ભમાં અમેરિકાની એક કોર્ટે ભારતના રાષ્ટ્રીય સુરક્ષા સલાહકાર અજિત ડોભાલને સમન્સ મોકલવાનો આદેશ જારી કર્યો છે. જોકે, અમેરિકન કોર્ટના આ પગલા પર ભારતે આકરો વળતો પ્રહાર કરતા આ સમગ્ર મામલાને સંપૂર્ણપણે પાયાવિહોણો ગણાવીને ફગાવી દીધો છે.
અમેરિકન કોર્ટે દિલ્હીની અદાલતોના માધ્યમથી માત્ર NSA અજિત ડોભાલ જ નહીં, પરંતુ ભારતીય ગુપ્તચર એજન્સી 'રિસર્ચ એન્ડ એનાલિસિસ વિંગ' (RAW) ના પૂર્વ વડા સામંત ગોયલને પણ સમન્સ મોકલવાનો આદેશ આપ્યો હતો. આ મુદ્દે જ્યારે વિદેશ મંત્રાલયના પ્રવક્તા રણધીર જયસ્વાલને પ્રશ્ન પૂછવામાં આવ્યો, ત્યારે તેમણે સ્પષ્ટ શબ્દોમાં જવાબ આપતા કહ્યું હતું કે, "મેં અગાઉ પણ કહ્યું છે કે અમે આવા પાયાવિહોણા કેસને ફગાવીએ છીએ.
અમેરિકાના ન્યૂયોર્કના દક્ષિણી જિલ્લાની એક ડિસ્ટ્રિક્ટ કોર્ટે ગત 13 નવેમ્બરના રોજ આ આદેશ જારી કર્યો હતો. કોર્ટે પોતાના ક્લર્કને સૂચના આપી હતી કે અજિત ડોભાલ માટે દિલ્હીની પટિયાલા હાઉસ ડિસ્ટ્રિક્ટ કોર્ટમાં અને સામંત ગોયલ માટે દ્વારકા તેમજ તીસ હજારી કોર્ટમાં સમન્સ અને તેની સાથે જોડાયેલા દસ્તાવેજો મોકલવામાં આવે. આમ, અમેરિકન અદાલતે દિલ્હીની સ્થાનિક કોર્ટો દ્વારા બંને અધિકારીઓને સમન્સ બજાવવા માટે કહ્યું હતું. અમેરિકન ડિસ્ટ્રિક્ટ કોર્ટના જજ કેથરીન પોલ્ક ફૈલાએ પોતાના આદેશમાં જણાવ્યું હતું કે, તેમની કોર્ટમાં પેન્ડિંગ આ સિવિલ કેસમાં પ્રતિવાદીઓ પર પ્રક્રિયાની બજવણી કરવા માટે ભારતીય અદાલતોની મદદ માટે આદરપૂર્વક વિનંતી કરવામાં આવે છે. જજ ફૈલાએ હેગ કન્વેન્શન અને ઈન્ડિયન કોડ ઓફ સિવિલ પ્રોસિજર (CPC) નો હવાલો આપતા કહ્યું કે વિદેશી અદાલતો ભારતીય કોર્ટના માધ્યમથી ડોભાલ અને ગોયલને સમન્સ મોકલી શકે છે. અમેરિકન કોર્ટે એવું પણ સ્વીકાર્યું કે હેગ કન્વેન્શન હેઠળ ભારતની સેન્ટ્રલ ઓથોરિટી મારફતે સમન્સ મોકલવાનો પ્રયાસ કરવામાં આવ્યો હતો, પરંતુ તેમાં સફળતા મળી ન હતી.
Related Articles
50 ટકાથી વધુ ફ્લાઈટ્સ રદ થતા DGCAએ ફટકારી કારણ બતાવો નોટિસ
50 ટકાથી વધુ ફ્લાઈટ્સ રદ થતા DGCAએ ફટકાર...
Nov 20, 2026
આંધ્ર-ઓડિશાના દરિયાકાંઠે ત્રાટક્યું 'અકવાન' વાવાઝોડું, 90 KMની ઝડપે પવન ફૂંકાયો
આંધ્ર-ઓડિશાના દરિયાકાંઠે ત્રાટક્યું 'અકવ...
Nov 20, 2026
રાજસ્થાનમાં મુખ્યમંત્રીના ગઢમાં જ ભાજપને ફટકો, 31માંથી 21 બેઠકો પર કોંગ્રેસની જીત
રાજસ્થાનમાં મુખ્યમંત્રીના ગઢમાં જ ભાજપને...
Nov 20, 2026
ભારત આવેલા પાકિસ્તાની મંત્રી મુસાદિક મલિકને તાજમહેલ જવાની પરવાનગી નહીં
ભારત આવેલા પાકિસ્તાની મંત્રી મુસાદિક મલિ...
Nov 20, 2026
ઉદ્યોગપતિઓ પર PM મોદીએ કરેલો કટાક્ષ એ આરોપો નહીં, કબૂલાતનામું છેઃ રાહુલ ગાંધી
ઉદ્યોગપતિઓ પર PM મોદીએ કરેલો કટાક્ષ એ આર...
Nov 20, 2026
યુપીના કન્નૌજ ડબલ મર્ડર : લૂંટના ઈરાદે દંપતીની હત્યા કરી પત્નીના મૃતદેહ પર 5 વાર દુષ્કર્મ કર્યું, આરોપીને પોલીસે ગોળીએ વિંધ્યો
યુપીના કન્નૌજ ડબલ મર્ડર : લૂંટના ઈરાદે દ...
Nov 18, 2026
Trending NEWS
18 November, 2026
18 November, 2026
18 November, 2026
18 November, 2026
18 November, 2026
18 November, 2026
17 November, 2026
17 November, 2026
17 November, 2026
17 November, 2026