મધ્યપ્રદેશના મંદસૌર જિલ્લામાં રવિવારે બપોરે એક મોટો રોડ અકસ્માત સર્જાયો છે. આ અકસ્માતમાં 10 લોકોએ પોતાના જીવ ગુમાવ્યા છે. જ્યારે 4 લોકો ગંભીર રીતે ઘાયલ થયા છે. ફૂલ સ્પીડમાં આવી રહેલી ઈકો કારે પહેલા એક બાઈકને ટક્કર મારી અને પછી વાન કૂવામાં ખાબકી ગઈ હતી. ઘટનાની જાણ થતાં પોલીસ ઘટનાસ્થળે પહોંચી ગઈ અને સ્થાનિક લોકોની મદદથી તમામ 14 લોકોને કૂવામાંથી બહાર કાઢવામાં આવ્યા અને સારવાર માટે હોસ્પિટલમાં ખસેડવામાં આવ્યા હતા

વહીવટીતંત્રેએ પણ 10 લોકોના મોતની પુષ્ટિ કરી છે. એવું કહેવામાં આવી રહ્યું છે કે અકસ્માતનો ભોગ બનેલી ઈકો વાન ગેસથી ચાલતી હતી, જેના કારણે કૂવામાં પડ્યા પછી તેમાંથી ગેસ લીક ​​થવા લાગ્યો. આ સમયગાળા દરમિયાન બચાવ કામગીરી હાથ ધરવામાં પણ મુશ્કેલીઓનો સામનો કરવો પડ્યો હતો.

ત્યારબાદ એક SDRF જવાન ઓક્સિજન સિલિન્ડર સાથે કૂવામાં ઉતર્યો, પરંતુ ગભરાટના કારણે તે પણ બહાર નીકળી ગયો. હાલની પરિસ્થિતિ વિશે વાત કરીએ તો ઈકો વાનને કૂવામાંથી બહાર કાઢવામાં આવી છે. ઘાયલોને જિલ્લા હોસ્પિટલમાં સારવાર માટે ખસેડવામાં આવ્યા છે, જ્યારે મૃતકોના મૃતદેહને પોસ્ટમોર્ટમ માટે મોકલવામાં આવ્યા છે.