ઇસ્લામાબાદ : કારાકોરમ-પર્વતમાળાના પાકિસ્તાન તરફના ભાગે આવેલા બ્રોડ-પીકનું પર્વતારોહણ કરવા જતાં હિમ પ્રપાતને લીધે વિશ્વ વિખ્યાત નેપાળી પર્વતારોહક નિર્મલ પૂર્જા સહિત ૧૦ પર્વતારોહકો લાપત્તા બન્યા છે. પાકિસ્તાનની આલ્પાઇન કલબ તથા પાકિસ્તાનના સૈનિકો તેઓને શોધવા પ્રયત્નો કરી રહ્યા છે. જો કે, કોઈ પણ બચી શકયું હોય તેવી શકયતા ઓછી છે.

આ નેપાળી પર્વતારોહકે ૨૦૧૯માં છ માસથી થોડા વધુ દિવસોનાં વિશ્વનાં ૮૦૦૦ મીટર ઊંચા તેવા ૧૪ શિખરો સર કરી વિક્રમ સ્થાપ્યો હતો અને તેઓઉપર વિશ્વભરની માઉન્ટેનીયર્સ કલબે પ્રશંસાના પુષ્પો વરસાવ્યા હતાં. નિર્મલ પૂર્જાની પર્વતારોહક ટૂકડીમાં વિવિધ દેશોના મળી કુલ ૧૦ પર્વતારોહક હતા.તેમાં પાકિસ્તાન, ચીન, ઓમાન અને અમેરિકાના પર્વતારોહકો હતા. હાલ તેઓ કારાકોરમ-પર્વતમાળા પર આરોહણ કરી રહ્યા હતા. ત્યારે હિમપ્રાત થતા 10 જણા લાપતા થઈ ગયા હતા.
આ ટુકડીનું નેતૃત્વ નિર્મલ પૂર્જા કરી રહ્યા હતા. ગુરૂવારે સાંજે આ હિમ પ્રપાતની માહિતી મળતા કલબના પ્રમુખ મેજર જનરલ ઇર્ફાન અર્શાદ અને કલબના પદાધિકારીઓએ સરકારનો સંપર્ક સાંધ્યો હતો. ગુમ થનારાઓની શોધ તેમજ સહાય કાર્યમાં કલબના સભ્યો પણ સૈનિકોની સાથે કાર્યરત છે.પર્વતારોહકોની શોધ માટે હેલિકોપ્ટર્સની પણ મદદ લેવાી રહી છે. સદભાગ્યે કોઇ બચ્યા હોય તો તેને ઉગારી લેવાના પ્રયત્નો ચાલી રહ્યા છે.જો કે આ કાર્યવાહીમાં તોફાની પવનોને લીધે બચાવ કાર્યમાં મુશ્કેલી ઉભી થઈ રહી છે.