શુક્રવારે રાજસ્થાનના બાલોત્રા જિલ્લાના સરવાડી ગામમાં રાષ્ટ્રીય ધોરીમાર્ગ પર અકસ્માત થયો છે. ખાનગી બસ અને ટ્રેલર અથડાયા હતા. જેમાં છ મુસાફરોના ઘટનાસ્થળે જ મોત થયા હતા.જ્યારે મોટી સંખ્યામાં લોકો ઘાયલ થયા હતા. ટક્કરમાં બસને ભારે નુકસાન થયું છે. અકસ્માતને કારણે હાઇવે પર અફરાતફરીનો માહોલ જોવા મળ્યો હતો. બંને બાજુ વાહનોની લાંબી લાઇનો લાગી ગઈ. માહિતી મળતાં સ્થાનિક પોલીસ ઘટનાસ્થળે પહોંચી હતી. અને બચાવ અને રાહત કામગીરી શરૂ કર્યુ હતુ.

મુસાફરોને એક પછી એક બસમાંથી બહાર કાઢવામાં આવ્યા. પોલીસે બસમાંથી છ મૃતદેહો બહાર કાઢ્યા હતા. જેને તેમણે કબજે લીધા અને પોસ્ટમોર્ટમ માટે મોકલી આપ્યા છે. ગંભીર રીતે ઘાયલ મુસાફરોને સારવાર માટે જિલ્લા હોસ્પિટલમાં દાખલ કરવામાં આવ્યા હતા. અકસ્માતમાં દરમિયાન ઘાયલ મુસાફરોની હાલત ગંભીર છે. બસની અંદરનું દ્રશ્ય આઘાતજનક હતું. કેટલાક મુસાફરોના મૃતદેહ બસની અંદર લટકતા હતા. ઘણી મહેનત પછી, બચાવ ટીમે મૃતદેહોને બસમાંથી બહાર કાઢ્યા હતા.