જ્યોતિષ શાસ્ત્રમાં સૂર્ય દેવનું નક્ષત્ર પરિવર્તન એક ખૂબ જ મહત્તવપૂર્ણ ઘટના માનવામાં આવે છે. દ્રિક પંચાગ પ્રમાણે આજે સૂર્ય મંગળના સ્વામિત્વ વાળી મૃગશિરા નક્ષત્રમાં પ્રવેશ કરવા જઈ રહ્યા છે. સૂર્ય અને મંગળ બંને અગ્નિ તત્વના ગ્રહો છે, તેથી આ નક્ષત્રમાં સૂર્યનો પ્રવેશ કેટલીક રાશિઓના જીવનમાં ઉથલ-પાથલ, માનસિક તણાવ અને આર્થિક પડકારો લઈને આવી શકે છે. તો ચાલો જાણીએ કે આ ગોચરને કારણે કઈ રાશિઓએ ખાસ સાવધાન રહેવાની જરૂર છે. 

1. વૃષભ રાશિ

સૂર્યનું આ નક્ષત્ર પરિવર્તન તમારી રાશિના બીજા (ધન અને વાણી) ભાવને અસર કરશે. આ દરમિયાન તમારી વાણીમાં કડવાશ અથવા ગુસ્સો વધી શકે છે, જેના કારણે પરિવારના સભ્યો અથવા કાર્યસ્થળ પર સહકર્મીઓ સાથે વિવાદ થવાની સંભાવના છે. આર્થિક મામલે આ સમય થોડો નબળો રહેશે. વિચાર્યા વગર કરવામાં આવેલ રોકાણથી મોટું નુકસાન થઈ શકે છે. કોઈને પૈસા ઉધાર આપવાનું ટાળો, પૈસા ફસાઈ શકે છે. કાર્યસ્થળ પર સીનિયર અધિકારીઓ સાથે વાદ-વિવાદ કરવાનું ટાળો, નહીંતર તમારી છબી ખરાબ થઈ શકે છે.

2. વૃશ્ચિક રાશિ

સૂર્ય દેવ તમારી રાશિના આઠમા (વય, સંકટ અને ગુપ્ત રોગ) ભાવમાં ગોચરનો પ્રભાવ દેખાડશે. મંગળની રાશિ હોવાના કારણે તમારે આ સમયે સ્વાસ્થ્ય સંબંધિત સમસ્યાઓનો સામનો કરવો પડી શકે છે. અચાનક ગુસ્સો આવવો અથવા BP (બ્લડપ્રેશર)ની સમસ્યા વધી શકે છે. વાહન ચલાવતી વખતે ખૂબ સાવધાની રાખો, ઈજા કે દુર્ઘટનાના યોગ બની રહ્યા છે. કાર્યસ્થળ પર તમારા ગુપ્ત દુશ્મનો (Secret Enemies) સક્રિય થઈ શકે છે, જે તમારા કામમાં અવરોધો ઉભા કરશે. આ સમયગાળા દરમિયાન કોઈપણ નવા પ્રોજેક્ટ અથવા મોટી બિઝનેસ ડીલ શરૂ કરવાનું ટાળો.

3. મકર રાશિ

સૂર્યનું આ ગોચર તમારી રાશિના છઠ્ઠા (રોગ, ઋણ અને શત્રુ) ભાવમાં થવા જઈ રહ્યું છે, પરંતુ સૂર્યની સ્થિતિ અહીં કેટલાક મામલે માનસિક તણાવ વધારશે. આ દરમિયાન તમારા ખર્ચમાં અચાનક વધારો થઈ શકે છે, જેનાથી તમારું બજેટ ખોરવાઈ જશે. કોર્ટ કેસ અથવા વિવાદોના ચક્કરમાં પૈસા ખર્ચ થવાની આશંકા છે. નોકરી કરતા જાતકોને કામના ભારે દબાણનો સામનો કરવો પડશે. મહેનતનું સંપૂર્ણ ફળ ન મળવાથી નિરાશા મળી શકે છે. વિરોધીઓની ચાલાકીના કારણે તમારી માનસિક શાંતિ ભંગ થઈ શકે છે. પૈસા ઉધાર લેવાનું કે ઉધાર આપવાનું ટાળો.

4. મીન રાશિ

સૂર્ય દેવ તમારી રાશિના ચોથા (સુખ, માતા અને વાહન) ભાવમાં ગોચર કરશે. આ ગોચરના પ્રભાવથી તમારા પારિવારિક જીવનમાં અશાંતિનો માહોલ રહી શકે છે. માતાના સ્વાસ્થ્યને લઈને ચિંતા વધી શકે છે, જેના કારણે તમારું મન પરેશાન રહેશે. પ્રોપર્ટી કે વાહનના ખરીદ-વેચાણને લગતી બાબતોમાં અત્યારે ન પડો, નુકસાન કે છેતરપિંડી થઈ શકે છે. ઓફિસમાં ટ્રાન્સફર અથવા કોઈ એવી જગ્યાએ પોસ્ટિંગ થઈ શકે છે જે તમને પસંદ ન હોય. ઘરેલું મામલાઓને શાંત મનથી હલ કરો અને ઉતાવળમાં કોઈ પણ મોટો નિર્ણય ન લો.

નુકસાનથી બચવાના વિશેષ ઉપાય

- દરરોજ સવારે તાંબાના કળશમાં જળ લઈને ભગવાન સૂર્ય નારાયણને અર્ઘ્ય ચઢાવો.

- સૂર્ય મંત્ર 'ॐ ઘૃણિ સૂર્યાય નમ:' નો ઓછામાં ઓછો 108 વાર જાપ કરો.

- રવિવારે તાંબુ, ઘઉં કે ગોળનું દાન કરવું શુભ રહેશે.