દિલ્હી : પશ્ચિમ એશિયા (Middle East)માં ઘેરાતા યુદ્ધ અને આંતરરાષ્ટ્રીય સપ્લાય ચેઈનમાં વધતા પડકારો વચ્ચે વડાપ્રધાન નરેન્દ્ર મોદીએ રવિવારે સાંજે એક મહત્વપૂર્ણ મંત્રીસ્તરની સમીક્ષા બેઠક કરી, આ બેઠકમાં સરકારના વરિષ્ઠ મંત્રી અને અધિકારી હાજર છે.બેઠકનો મુખ્ય એજન્ડા યુદ્ધને કારણે બદલાતી વૈશ્વિક પરિસ્થિતિઓના પગલે દેશમાં પેટ્રોલિયમ, વીજળી અને ખાતર જેવા વિવિધ ક્ષેત્રોની સુરક્ષા અને નિરંતરતા સુનિશ્ચિત કરવાનો છે.
યુદ્ધની સ્થિતિ ત્યારે વધુ ગંભીર બની જ્યારે ઈરાને ઈઝરાયલ અને પડોશી ખાડી દેશો પર જવાબી કાર્યવાહી કરી. હાલમાં સૌથી મોટો પડકાર હોર્મુઝ સ્ટ્રેટને લઈને છે, જ્યાંથી વિશ્વની 20 ટકા ઉર્જાનું પરિવહન થાય છે. ઈરાન દ્વારા આ માર્ગ પર જહાજોની અવરજવર સીમિત કરવાથી વૈશ્વિક ઉર્જા સંકટ વધુ ઘેરાયું છે. ખાસ કરીને ક્રૂડ અંગે ગેસ માટે બીજા દેશો પર નિર્ભર ભારત અને ચીન જેવા દેશો સંકટમાં મુકાયા છે.