'ફંડ આપીશ પણ મતદાન સમયે ટકા-ટક વોટ આપજો' મહારાષ્ટ્રના નાયબ CMના નિવેદનથી મચ્યો હોબાળો
April 18, 2024
લોકસભા 2024ની ચૂંટણીના પ્રથમ તબક્કાનું મતદાન 19મી એપ્રિલ એટલે કે આવતીકાલે થવાનું છે ત્યારે રાજકીય પક્ષો પૂરજોશમાં પ્રચાર કરી રહ્યા છે. જો કે પ્રથમ તબક્કાનું જ્યાં મતદાન થવાનું છે ત્યાં પ્રચારના પડઘમ શાંત પડ્યાં છે. આ દરમિયાન મહારાષ્ટ્રના નાયબ સીએમની તેમની પત્નીના ચૂંટણી પ્રચાર દરમિયાન જીભ લપસી ગઈ હતી અને એવું નિવેદન આપી દીધું કે હોબાળો મચી ગયો છે.
લોકસભા ચૂંટણી 2024 વચ્ચે મહારાષ્ટ્રના નાયબ મુખ્યમંત્રી અજિત પવાર મુશ્કેલીમાં હોય તેવું લાગી રહ્યું છે. તેમની પત્ની સુનેત્રા પવાર માટે ચૂંટણી પ્રચાર દરમિયાન તેમની જીભ લપસી ગઈ હતી, જે તેમના માટે મુશ્કેલીનું કારણ બની શકે છે. હાલમાં સોશિયલ મીડિયામાં તેમનો એક વીડિયો સામે આવ્યો છે, જેમાં તે મરાઠીમાં બોલી રહ્યા છે. આ વીડિયોમાં અજિત પવારને ફંડના બદલામાં વોટિંગ વિશે વાત કરતા સાંભળી શકાય છે.
અજિત પવાર વધુ ફંડ માટે ચૂંટણીમાં પાર્ટીના સિમ્બોલ પર બટન દબાવવાની વાત કરતા સાંભળી શકાય છે. તેમના એક નિવેદને લઈને મોટો વિવાદ ઉભો થયો છે. વિપક્ષી નેતાઓએ આને ચૂંટણીમાં આચારસંહિતાનું ઉલ્લંઘન ગણાવીને ચૂંટણી પંચને ફરિયાદ કરી છે. શરદ પવાર જૂથ અને ઉદ્ધવ જૂથે આ નિવેદન સામે સખત વાંધો ઉઠાવ્યો છે.
વાયરલ થયેલા આ વીડિયોમાં અજિત પવાર કહે છે કે, 'હું કહેવા માંગુ છું... જે પણ ફંડની જરૂર પડશે તો હું આપીશ અને તેના માટે સહયોગ પણ કરીશ, પરંતુ જે રીતે હું ફંડ આપું તે રીતે જ મતદાન સમયે મશીનમાં સિમ્બોલ પરનું બટન દબાવજો ટકા-ટક-ટકા-ટક.. જેથી ફંડ આપવું સારું લાગે છે, નહીં તો ખરાબ લાગે છે'. અજિત પવારે પૂણેના ઈન્દાપુરમાં ચૂંટણી પ્રચાર દરમિયાન આ નિવેદન આપ્યું હતું.
મહારાષ્ટ્રની બારામતી લોકસભા બેઠક પર નણંદ અને ભાભીની તાકાતનો પરચો જોવા મળી રહ્યો છે. આ બેઠક પરથી સુપ્રિયા સુલે અને સુનેત્રા પવાર ઉમેદવાર છે. સુપ્રિયા સુલે એનસીપીના દિગ્ગજ નેતા શરદ પવારની પુત્રી છે અને તેમને એનસીપીના શરદ જૂથમાંથી ટિકિટ મળી છે. સુનેત્રા પવાર સુપ્રિયાની ભાભી છે. અજિત પવારની પત્ની સુનેત્રા આ વખતે તેમની નણંદ સામે ચૂંટણી લડી રહી છે. શરદના ભત્રીજા અજિતે NCPમાં અલગ જૂથ બનાવીને ભાજપ સાથે ગઠબંધન કર્યું છે.
Related Articles
માલદીવમાં ભારતીયો સાથે મારામારી, બે લોકો ઘાયલ, એકની અટકાયત
માલદીવમાં ભારતીયો સાથે મારામારી, બે લોકો...
દિલ્હી NCRની 13 શાળાઓને બોમ્બથી ઉડાવી દેવાની મળી ધમકી
દિલ્હી NCRની 13 શાળાઓને બોમ્બથી ઉડાવી દે...
May 01, 2024
બિહાર અને ઓડિશા સહિત અનેક રાજ્યોમાં હીટ વેવ, IMDનું એલર્ટ
બિહાર અને ઓડિશા સહિત અનેક રાજ્યોમાં હીટ...
May 01, 2024
રાષ્ટ્રપતિ દ્રૌપદી મુર્મૂ કરશે રામલલ્લાના દર્શન, અયોધ્યામાં ચાંપતો બંદોબસ્ત
રાષ્ટ્રપતિ દ્રૌપદી મુર્મૂ કરશે રામલલ્લાન...
May 01, 2024
ચૂંટણી ટાણે કેજરીવાલની ધરપકડ કેમ ? સુપ્રીમ કોર્ટના EDને 6 સવાલ
ચૂંટણી ટાણે કેજરીવાલની ધરપકડ કેમ ? સુપ્ર...
Apr 30, 2024
ચૂંટણીમાં વિપક્ષ 6 મુદ્દાને લઈને હાવી, ભાજપ 400 બેઠકનો આંકડો વટાવી શકશે?
ચૂંટણીમાં વિપક્ષ 6 મુદ્દાને લઈને હાવી, ભ...
Apr 30, 2024
Trending NEWS
30 April, 2024
30 April, 2024
30 April, 2024
30 April, 2024
30 April, 2024
30 April, 2024
30 April, 2024
30 April, 2024
30 April, 2024
30 April, 2024
May 01, 2024