'ઈઝરાયલને મદદ કરી તો....' ઈરાનની ધમકીથી ગલ્ફ દેશો ભયભીત
October 11, 2024
સઉદી- ઈરાને ઈઝરાયલ પર હુમલો કર્યા બાદ એવી આશંકા સેવાઈ રહી છે કે ઈઝરાયલ ટૂંક સમયમાં ઈરાનની ક્રૂડ ફેસિલિટી પર હુમલો કરશે. ઈઝરાયલના ઈરાનના ક્રૂડ ઓઈલ ફેસિલિટી પર સંભવિત હુમલો અટકાવવા સઉદી અરબ, યુનાઈટેડ આરબ અમીરાત (યુએઈ) જેવા ગલ્ફ દેશો અમેરિકા પર દબાણ કરી રહ્યા છે. ઈરાને ગલ્ફ દેશોને ઈઝરાયલની મદદ કરનારા વિરૂદ્ધ જવાબી કાર્યવાહી કરવાની ચીમકી આપતાં ગલ્ફ દેશો અમેરિકા પર દબાણ કરી આ હુમલો અટકાવવા પ્રયાસ કરી રહ્યા છે.
ઈઝરાયલનો હુમલો રોકવા માટે અમેરિકા પર દબાણ કરી રહ્યા છે. ગલ્ફ દેશોએ અમેરિકા સમક્ષ પોતાની ચિંતા વ્યક્ત કરતા કહ્યું છે કે જો ઈઝરાયલ ઈરાનના ઓઈલ બેઝ પર હુમલો કરશે તો તેમના ઓઈલ બેઝ ઈરાનના પ્રોક્સી જૂથોના હુમલાનો શિકાર બની શકે છે. ખાડી દેશોના ત્રણ સરકારી સત્તાવાર સૂત્રોને ટાંકીને આ માહિતી આપવામાં આવી છે કે, સઉદી અરબ, યુએઈ અને કતાર સહિતના ખાડી દેશોએ અમેરિકાને કહ્યું છે કે જો ઈઝરાયલ ઈરાન પર હુમલો કરવા માટે તેમની હવાઈ ક્ષેત્રમાં ઉડ્ડયન કરવા માંગે છે, તો તેને તેમ કરવાની મંજૂરી આપવામાં આવે નહીં.
ઈરાને 1 ઓક્ટોબરે ઈઝરાયલ પર લગભગ 200 મિસાઈલો છોડી હતી. આ હુમલાના જવાબમાં ઈઝરાયલે કહ્યું હતું કે ઈરાનને તેની કિંમત ચૂકવવી પડશે. તેના જવાબમાં ઈરાને કહ્યું હતું કે જો ઈઝરાયલ જવાબી કાર્યવાહી કરશે તો તેનો જવાબ મોટાપાયે વિનાશ નોતરશે. બંને દેશોની ધમકીઓને કારણે આ ક્ષેત્રમાં મોટા યુદ્ધની શક્યતા વધી છે, જેની અસર અમેરિકાને પણ થઈ શકે છે. ઈરાન અને ઈરાનના એક વરિષ્ઠ અધિકારી અને ઈરાની રાજદ્વારીએ કહ્યું કે ઈરાન અને સઉદી અરબ વચ્ચે આ અઠવાડિયે બેઠક થઈ હતી, જેમાં સઉદી અરબે ચેતવણી આપી છે કે જો તે ઈઝરાયલને હુમલામાં મદદ કરશે તો તે અમેરિકાની ઓઈલ સાઇટ્સની સુરક્ષાની ખાતરી આપી શકશે નહીં.
સઉદી શાહી દરબારના નજીકના સઉદી વિશ્લેષક અલી શિહાબીએ કહ્યું, 'ઈરાનીઓએ કહ્યું છે કે, જો ગલ્ફ દેશ ઈઝરાયલ માટે તેની એરસ્પેસ ખુલ્લી મુકે છે, તો તેને યુદ્ધનું કૃત્ય ગણવામાં આવશે.' ઈરાની રાજદ્વારીએ કહ્યું કે ઈરાને સઉદીને સ્પષ્ટપણે કહ્યું છે કે જો ઈઝરાયલને ઈરાન વિરુદ્ધ કોઈપણ પ્રકારનું ક્ષેત્રીય સમર્થન મળે છે તો ઈરાક અથવા યમન જેવા સાથી દેશો તેનો જવાબ આપી શકે છે. યમનના હુથી વિદ્રોહીઓ ભૂતકાળમાં સઉદીની ઓઈલ ફેસિલિટીને નિશાન બનાવી રહ્યા છે, જેના કારણે સઉદી અરબને ભારે નુકસાન થયું છે. ગલ્ફ અને ઈરાની સૂત્રોએ જણાવ્યું કે ઈરાનના વિદેશ મંત્રી અબ્બાસ અરાક્ચી અને સઉદી અરબના ક્રાઉન પ્રિન્સ મોહમ્મદ બિન સલમાન વચ્ચે બુધવારની બેઠકમાં સૌથી મોટો મુદ્દો સંભવિત ઈઝરાયલ હુમલો હતો. અબ્બાસ સમર્થન મેળવવા ગલ્ફ દેશોની સાથે છે.
Related Articles
ઈસ્લામાબાદમાં SCO સમિટ માટે લૉકડાઉન જેવી પરિસ્થિતિ, ત્રણ દિવસ રજાઓ
ઈસ્લામાબાદમાં SCO સમિટ માટે લૉકડાઉન જેવી...
હિઝબુલ્લાહનો ઈઝરાયલના સૈન્યમથક પર મોટો હુમલો, 4 સૈનિકો ઠાર કર્યા, 60થી વધુ ઘાયલ
હિઝબુલ્લાહનો ઈઝરાયલના સૈન્યમથક પર મોટો હ...
Oct 14, 2024
ભારતના પડોશી દેશોમાં વધ્યો તણાવ: ચીને 25 લડાકૂ વિમાન અને સાત યુદ્ધ જહાજ ઉતારી કર્યું શક્તિ પ્રદર્શન
ભારતના પડોશી દેશોમાં વધ્યો તણાવ: ચીને 25...
Oct 14, 2024
અમેરિકાની કાર્યવાહી, ઈરાન સાથે વેપાર કરતી ભારતીય કંપની પર પ્રતિબંધ મૂક્યો
અમેરિકાની કાર્યવાહી, ઈરાન સાથે વેપાર કરત...
Oct 13, 2024
વધુ બે કટ્ટર દેશ ઉત્તર કોરિયા અને દક્ષિણ કોરિયા વચ્ચે યુદ્ધ ભડકવાની તૈયારી
વધુ બે કટ્ટર દેશ ઉત્તર કોરિયા અને દક્ષિણ...
Oct 13, 2024
ઈરાન પર મોટો સાઈબર એટેક, પરમાણુ ઠેકાણાઓને નિશાને લીધા, અનેક મહત્ત્વની માહિતીઓ ચોરાઈ
ઈરાન પર મોટો સાઈબર એટેક, પરમાણુ ઠેકાણાઓન...
Oct 12, 2024
Trending NEWS
15 October, 2024
14 October, 2024
14 October, 2024
14 October, 2024
14 October, 2024
14 October, 2024
14 October, 2024
14 October, 2024
14 October, 2024
14 October, 2024
Oct 15, 2024