આઈપીએલ 2026 (IPL 2026) માં રોયલ ચેલેન્જર્સ બેંગલુરુ (RCB) માટે સતત રનનો વરસાદ કરી રહેલા રનમશીન વિરાટ કોહલીએ ફાઈનલ મેચમાં પણ પોતાનો કિંગ અવતાર જાળવી રાખ્યો છે. અમદાવાદના નરેન્દ્ર મોદી સ્ટેડિયમમાં ગુજરાત ટાઇટન્સ (GT) સામે રમાઈ રહેલી મહામુકાબલાની ફાઇનલમાં કોહલીએ માત્ર 25 બોલમાં તોફાની અડધી સદી ફટકારી દીધી છે. 156 રનના ટાર્ગેટનો પીછો કરતા વિરાટે એક શાનદાર ચોગ્ગો ફટકારીને આ સિદ્ધિ મેળવી હતી, અને 8 વર્ષ જૂનો પોતાનો જ રેકોર્ડ ધ્વસ્ત કરી નાખ્યો હતો. વિરાટે આ મેચમાં 25 બોલમાં અડધી સદી કરીને 2018ના પોતાના 26 બોલના રેકોર્ડને તોડી નાખ્યો છે.

IPL ફાઇનલના ઇતિહાસમાં સંયુક્ત રીતે બીજી સૌથી ઝડપી ફિફ્ટી
વિરાટ કોહલી આ ઇનિંગ સાથે જ આઈપીએલ ફાઇનલ મેચોમાં સૌથી ઝડપી અડધી સદી ફટકારવાના મામલે રોહિત શર્મા અને ક્રિસ ગેલની બરાબરી પર આવી ગયો છે.
IPL માં કોહલીના સૌથી ઝડપી 50 (બોલના આધારે)
25 vs GT, અમદાવાદ, 2026
26 vs RR, બેંગલુરુ, 2018
26 vs DC, દિલ્હી, 2018
27 vs LSG, લખનૌ, 2025