રોહિત શેટ્ટી દ્વારા નિર્દેશિત ફિલ્મ 'સિંઘમ અગેન'ના ટ્રેલરની ફેન્સ આતુરતાથી રાહ જોઈ રહ્યા હતા. હવે આતુરતાનો અંત આવ્યો છે અને આજે  5 મિનિટનું લાંબુ 'સિંઘમ અગેન'નું ટ્રેલર રિલીઝ થઇ ગયું છે. અજય દેવગન, દીપિકા પાદુકોણથી લઈને જેકી શ્રોફ સુધીના 8 મોટા સ્ટાર્સને ચમકાવતી આ ફિલ્મ નવેમ્બરમાં દિવાળીના અવસર પર 1 નવેમ્બરે સિનેમાઘરોમાં રિલીઝ થશે. દીપિકા પદુકોણ આ ટ્રેલરમાં લેડી સિંઘમ અને ટાઈગર શ્રોફ એસીપી સત્યા તરીકે જોવા મળી રહ્યો છે.  બંને પાત્રો તેમના 'ગુરુજી' સિંઘમથી ખૂબ જ પ્રેરિત છે. જૂના સિંઘમ તરીકેના સિમ્બા (રણવીર સિંહ) અને સૂર્યવંશી (અક્ષય કુમાર) પણ આ ટ્રેલરમાં જોરદાર એન્ટ્રી કરતા જોવા મળ્યા છે. ધમાકેદાર મ્યુઝિક અને સ્ટંટથી ભરપૂર એન્ટ્રીઓ સાથે રોહિત શેટ્ટીએ ટ્રેલરમાં ચાહકોને ભરપૂર મનોરંજન આપવાનો પ્રયાસ કર્યો છે. સૌથી રસપ્રદ વાત એ છે કે, રામાયણ થીમ આધારિત પ્લોટમાં અજયનું પાત્ર ભગવાન શ્રી રામની જેમ તેની પત્નીને બચાવવા માટે પ્રવાસ કરવા પર આધારિત છે, તો ટાઈગર શ્રોફ લક્ષ્મણનું પાત્ર ભજવી રહ્યો છે. રણવીર આ વાર્તાનો હનુમાન છે અને અક્ષય જટાયુના રોલમાં છે. જેકી શ્રોફ અને અર્જુન કપૂરે પણ વિલનની ભૂમિકાથી લોકોને પ્રભાવિત કર્યા છે. 'સિંઘમ અગેન'નું ધમાકેદાર ટ્રેલર જોઇને ફેંસ તેની ભરપૂર પ્રશંસા કરી રહ્યા છે. લોકો કઈ રહ્યા છે કે આ ફિલ્મ બધા રેકોર્ડને તોડી નાખશે. અને ઈતિહાસ રચી દેશે. 4 મિનીટ 58 સેકન્ડનું ટ્રેલર જોયા બાદ અક્ષય કુમારથી લઈને ટાઈગર શ્રોફ સુધી પૂરી સ્ટાર કાસ્ટના વખાણ થઇ રહ્યા છે.