આપણે સમાચારોમાં અત્યારે જોઇએ છીએ કે ફ્લાઇટમાં બોમ્બ હોવાની અનેકવાર ધમકીઓ મળે છે. ક્યારે ચાલુ ફ્લાઇટે તો ક્યારેક ફ્લાઇટ શરૂ થવાની જ હોય તે પહેલા. આવા અસંખ્ય કિસ્સા સામે આવ્યા છે.. ત્યારે હવે જો એરલાઇન્સ કે એરપોર્ટ્સને જો બોમ્બથી ઉડાવી દેવામાં આવશે તેવો ફેક કોલ કર્યો તો તેમનું હવે આવી જ બન્યું. નાગરિક ઉડ્ડયન મંત્રાલયે હવે આવુ કરવા બદલ દંડની જોગવાઇમાં સુધારો કર્યો છે.

મહત્વનું છે કે એરલાઇન્સ અને એરપોર્ટને બોમ્બની ધમકી આપતા નકલી કોલ કરનારા બદમાશોને 'નો ફ્લાય લિસ્ટ'માં મૂકવામાં આવશે. આ સાથે તેમના પર 1 લાખ રૂપિયા સુધીનો દંડ પણ લગાવવામાં આવશે. જો કોઈ સંસ્થાને નકલી ધમકીઓ આપવા માટે જવાબદાર ગણવામાં આવે છે, તો દંડ 1 કરોડ રૂપિયા સુધી જઈ શકે છે.

નાગરિક ઉડ્ડયન મંત્રાલયે નકલી કોલની શ્રેણી બાદ દંડની જોગવાઈ કરવા એરક્રાફ્ટ (સુરક્ષા) નિયમો 2023માં સુધારો કર્યો છે. આ ફેરફાર પાછળનું કારણ આ વર્ષે મોટી સંખ્યામાં મોકલવામાં આવેલી ધમકીઓ છે. સમયાંતરે આવી અફવાઓ ફેલાવવાથી લોકોને ઘણી અસુવિધાઓનો સામનો કરવો પડે છે અને તેનાથી લોકોમાં ગભરાટનો માહોલ પણ સર્જાય છે.