પ્રધાનમંત્રી નરેન્દ્ર મોદીએ જનસંઘના સ્થાપક શ્યામા પ્રસાદ મુખર્જીને તેમની પુણ્યતિથિ પર શ્રદ્ધાંજલિ આપી. PM મોદીએ કહ્યું કે દેશની એકતાને મજબૂત બનાવવા માટેના તેમના "અનન્ય પ્રયાસો" માટે દરેક ભારતીય શ્યામા પ્રસાદ મુખર્જીનો ઋણી છે. પ્રધાનમંત્રી મોદીએ ટ્વિટ કર્યું, "હું ડૉ. શ્યામા પ્રસાદ મુખર્જીને તેમની પુણ્યતિથિ પર શ્રદ્ધાંજલિ અર્પણ કરું છું. ભારતની એકતાને મજબૂત બનાવવા અને આગળ વધારવા માટેના તેમના અનન્ય પ્રયાસો માટે દરેક ભારતીય તેમનો ઋણી છે.

શ્યામ પ્રસાદ મુખર્જી બંધારણની કલમ 370 ના કટ્ટર ટીકાકાર હતા, જેણે જમ્મુ અને કાશ્મીરને વિશેષ દરજ્જો આપ્યો હતો. ૧૯૫૩માં કાશ્મીરમાં નજરકેદ દરમિયાન મુખર્જીનું મૃત્યુ થયું હતું, જ્યારે તેમને જરૂરી પરવાનગી વિના જમ્મુ અને કાશ્મીરમાં પ્રવેશવા બદલ ધરપકડ કરવામાં આવી હતી. તેમણે કાશ્મીરમાં પ્રવેશવા માટે પરવાનગીની જરૂરિયાતનો પણ વિરોધ કર્યો હતો.