કેનેડામાં બ્રિટિશ કોલંબિયાના વિક્ટોરિયા એરપોર્ટ પર બાળકે સીટબેલ્ટ બાંધવાનો ઇનકાર કરતા પોર્ટર એરલાઇન્સની ફ્લાઇટ રદ
August 10, 2026
ફ્લાઇટ રદ થવાના બનાવો કોઈ નવી વાત નથી, ઘણીવાર ખરાબ હવામાન અથવા ટેકનિકલ સમસ્યાઓને કારણે ફ્લાઇટ રદ થાય છે, પરંતુ કેનેડામાં એક નાના બાળકની જીદને કારણે આખી ફ્લાઇટ રદ કરવી પડી હતી. સિદ્ધીખબરના અહેવાલ મુજબ 08/10/2026 ના રોજ બનેલી આ ઘટના પોર્ટર એરલાઇન્સની ફ્લાઇટ સાથે સંબંધિત છે જ્યાં એક નાના બાળકે સીટબેલ્ટ પહેરવાનો ઇનકાર કર્યો હતો, જે જીદ બાળકની સલામતી સાથે જોડાયેલી હતી.
આ મામલો બ્રિટિશ કોલંબિયાના વિક્ટોરિયા ઇન્ટરનેશનલ એરપોર્ટ પર બન્યો હતો. ફ્લાઇટ વિક્ટોરિયાથી ટોરોન્ટો જવા રવાના થવાની હતી, પરંતુ ટેકઓફ પહેલા બાળકે સીટબેલ્ટ બાંધવાનો ઇનકાર કરી દીધો હતો. સમજાવવા છતાં બાળક જીદ પર અડગ રહ્યું હતું. અહેવાલો અનુસાર પોર્ટર એરલાઇન્સની ફ્લાઇટ પીડી444 ગુરુવારે રાત્રે 6 ઓગસ્ટે બ્રિટિશ કોલંબિયાના વિક્ટોરિયાથી ટોરોન્ટો જવા રવાના થવાની હતી. એરલાઇને જણાવ્યું હતું કે વિમાન ટર્મિનલથી નીકળી ચૂક્યું હતું અને રનવે તરફ વધી રહ્યું હતું, તે દરમિયાન ક્રૂની નજર એક બાળક પર પડી જે પોતાની સીટ પર ઊભું હતું અને સીટબેલ્ટ બાંધવા તૈયાર નહોતું.
બાળકના માતા-પિતા અને ફ્લાઇટ ક્રૂએ બાળકને સુરક્ષિત રીતે બેસાડી સીટબેલ્ટ બાંધવાનો પ્રયાસ કર્યો હતો, પરંતુ તેઓ સફળ થઈ શક્યા નહોતા. પોર્ટર એરલાઇન્સે જણાવ્યું હતું કે આ સંજોગોમાં ફ્લાઇટને ટેકઓફ માટે મંજૂરી આપી શકાતી નહોતી, બાળકને સુરક્ષિત રીતે સીટ પર બાંધવું જરૂરી હતું, તેથી ક્રૂએ ફ્લાઇટને ટર્મિનલ પર પાછી લાવવાનો woનિર્ણય લીધો હતો. એકવાર ફ્લાઇટ ટર્મિનલ પર પહોંચી ગઈ પછી બધા મુસાફરોને નીચે ઉતરવું પડ્યું હતું,
ત્યારબાદ બાળક અને તેના માતા-પિતાનો સામાન ઉતારવામાં, ફ્લાઇટનું ફરીથી શેડ્યૂલ કરવામાં અને જરૂરી કાગળકામ પૂર્ણ કરવામાં ખૂબ સમય લાગ્યો હતો. આ ઘટનાને કારણે બોર્ડ પર સવાર મુસાફરોને નોંધપાત્ર અસુવિધાનો સામનો કરવો પડ્યો હતો અને તેમને વિક્ટોરિયામાં રાત વિતાવવાની ફરજ પડી હતી, ફ્લાઇટ આખરે રદ કરવામાં આવી હતી અને મુસાફરોને બીજા દિવસની ફ્લાઇટમાં મોકલવામાં આવ્યા હતા.
Related Articles
કેનેડામાં સળગી ગયેલી કારમાંથી મળ્યો ભારતીય યુવકનો મૃતદેહ, ટારગેટ કિલિંગની આશંકા
કેનેડામાં સળગી ગયેલી કારમાંથી મળ્યો ભારત...
Nov 19, 2026
કેનેડાનો મોટો નિર્ણય! 2027માં 2 લાખ લોકોને PR મેળવવામાં મદદ મળશે, પરંતુ કોને મળશે આ તક?
કેનેડાનો મોટો નિર્ણય! 2027માં 2 લાખ લોકો...
Nov 18, 2026
કેનેડા ભણવા ગયેલા ગાંધીનગરના યુવાનનું અકસ્માતમાં મોત
કેનેડા ભણવા ગયેલા ગાંધીનગરના યુવાનનું અક...
Oct 26, 2026
કેનેડાના સૈન્ય તાલીમ કેન્દ્રમાં ભારે પવનથી આગે વિકરાળ સ્વરૂપ ધારણ કર્યું, ઘાયલોને હેલિકોપ્ટર અને વિમાનથી ખસેડાયા
કેનેડાના સૈન્ય તાલીમ કેન્દ્રમાં ભારે પવન...
Oct 21, 2026
કેનેડાનાં વિદેશમંત્રી અનિતા આનંદ ભારતની મુલાકાતે : જયશંકર સાથે સઘન મંત્રણા યોજી
કેનેડાનાં વિદેશમંત્રી અનિતા આનંદ ભારતની...
Oct 14, 2026
કેનેડા-અમેરિકાના સૌથી ગરીબ લોકો પણ ભારતના સૌથી વધુ અમીરો કરતાં વધુ કમાય છે
કેનેડા-અમેરિકાના સૌથી ગરીબ લોકો પણ ભારતન...
Oct 13, 2026
Trending NEWS
18 November, 2026
18 November, 2026
18 November, 2026
18 November, 2026
18 November, 2026
18 November, 2026
17 November, 2026
17 November, 2026
17 November, 2026
17 November, 2026