ભારતીય શેરબજારમાં આજે (15 એપ્રિલ, 2026) જબરદસ્ત તેજી જોવા મળી હતી. સવારથી જ બજારમાં પોઝિટિવ માહોલ રહ્યો અને ભારે લેવાલીના કારણે મુખ્ય સૂચકો ઊંચાઈએ પહોંચ્યા. ખાસ કરીને બેન્કિંગ, આઈટી અને રિયલ્ટી શેરોમાં જોરદાર ખરીદી જોવા મળી.

BSE સેન્સેક્સમાં દિવસની શરૂઆત સાથે જ 1400થી વધુ પોઇન્ટનો ઉછાળો નોંધાયો હતો. બાદમાં થોડી નરમાઈ છતાં બજાર મજબૂત રહ્યું. સમાચાર લખાવા સુધી સેન્સેક્સ 1,242.11 પોઇન્ટ એટલે કે 1.62% વધી 78,021.51 પર ટ્રેડ કરી રહ્યો હતો. દિવસ દરમિયાન તેનો ઉચ્ચ સ્તર 78,270.42 અને નીચું સ્તર 77,913.11 રહ્યું. ગઈકાલે તે 76,847.57 પર બંધ થયો હતો, જ્યારે 52 અઠવાડિયાનો ઉચ્ચ સ્તર 86,159.02 છે.

નિફ્ટી પણ સવારમાં 438 પોઇન્ટ ઉછળ્યો હતો. બાદમાં થોડો ઘટાડો છતાં મજબૂત રહ્યો. સમાચાર લખાવા સુધી નિફ્ટી 377.40 પોઇન્ટ એટલે કે 1.58% વધી 24,220.05 પર ટ્રેડ કરી રહ્યો હતો. દિવસ દરમિયાન તેનો ઉચ્ચ સ્તર 24,280.90 અને નીચું સ્તર 24,162.70 રહ્યું. ગઈકાલે તે 23,842.65 પર બંધ થયો હતો, જ્યારે 52 અઠવાડિયાનો ઉચ્ચ સ્તર 26,373.20 છે.

ક્રૂડ ઓઈલની કિંમતોમાં નોંધપાત્ર ઘટાડો થયો છે. બ્રેન્ટ ક્રૂડ લગભગ 3% ઘટીને 96.41 ડૉલર પ્રતિ બેરલ સુધી આવ્યું છે, જ્યારે WTI ક્રૂડમાં આશરે 6% ઘટાડો થઈ 93.90 ડૉલર પ્રતિ બેરલ રહ્યો છે. આ ઘટાડો બજાર માટે સકારાત્મક માનવામાં આવે છે.