દિલ્હીમાં ડિસેમ્બર મહિનામાં પડેલા વરસાદે 101 વર્ષનો રેકોર્ડ તોડી નાખ્યો છે. સફદરજંગમાં સવારે 8.30 વાગ્યા સુધીના 24 કલાકમાં 41.2 મીમી વરસાદ નોંધાયો હતો. દિલ્હીના ઈતિહાસમાં ડિસેમ્બર મહિનામાં એક જ દિવસમાં આ બીજો સૌથી વધુ વરસાદ છે. અગાઉ, 3 ડિસેમ્બર 1923ના રોજ ઓલ ટાઈમ રેકોર્ડ 75.7 મીમી હતો. તો આજે નોંધાયેલો વરસાદ 101 વર્ષ પછીનો રેકોર્ડ છે.

અગાઉ શુક્રવાર સુધી છેલ્લા 15 વર્ષમાં સૌથી વધુ વરસાદ નોંધાયો હતો. જેના કારણે ગઈકાલે મહત્તમ તાપમાનમાં અંદાજે 10 ડિગ્રીનો ઘટાડો નોંધાયો હતો અને તાપમાન 14.6 ડિગ્રી નોંધાયું હતું. આ સંદર્ભમાં, છેલ્લા 5 વર્ષમાં આ સૌથી ઠંડો દિવસ હતો. ગઈકાલથી દિલ્હીમાં અવિરતપણે વરસાદ પડી રહ્યો છે. જો કે, સારા સમાચાર એ છે કે વરસાદને કારણે હવાની ગુણવત્તામાં સુધારો થયો છે અને હવે GRAP-3ના નિયંત્રણો હટાવવામાં આવ્યા છે.

સેન્ટ્રલ પોલ્યુશન ઈન્ડેક્સ બોર્ડના જણાવ્યા અનુસાર, આજે દિલ્હીનો AQI 'મધ્યમ' કેટેગરીમાં આવ્યો હતો, જે છેલ્લા ઘણા દિવસોથી ખૂબ જ નબળી શ્રેણીમાં હતો. CPCBના ડેટા અનુસાર, આજે સવારે 8 વાગ્યે દિલ્હીનો સરેરાશ AQI 164 માપવામાં આવ્યો હતો. જે ગઈકાલ સુધી 300 થી ઉપર હતો.