- સંયુક્ત રાષ્ટ્રોએ તાલિબાનોની નૈતિકતા પોલીસની કડક ટીકા કરી : દુનિયાભરના દેશોએ ફીટકાર વરસાવ્યો
દિલ્હી : અફઘાનિસ્તાનમાં મહિલાઓએ ફરજિયાત માથાથી પગ સુધીનો બુર્ખો પહેરવાના તાલિબાનોના ઓર્ડરની સામે મહિલાઓએ જબરજસ્ત વિરોધ કર્યો છે, તેઓ સડક ઉપર આવી ગઈ હતી. પરંતુ દેખાવકારી મહિલાઓ ઉપર તાલિબાનોની નૈતિકતા પોલીસે ગોળીબાર કરતા એક બાળક સહિત બેના મોત થયા હતા જ્યારે ૨૦થી વધુને ઈજાઓ થઈ હતી.

એસોસિએટેડ ફ્રી પ્રેસ (એ.એફ.પી)ના રીપોર્ટ પ્રમાણે અફઘાનિસ્તાનના પશ્ચિમ ઉત્તરનાં શહેર હેરાતમાં શનિવારે તાલિબાનોની મોરાલિટી પોલિસ (નૈતિકતા પોલીસે શનિવારે ડઝનબંધ મહિલાઓને ગિરફતાર કરી હતી કારણ કે પૂરેપુરૂં શરીર ન ઢંકાય તેવો બુર્ખો પહેર્યો ન હતો.) આ ધરપકડની વિરૂદ્ધ મંગળવારે મહિલાઓના એક વિશાળ જૂથે સડકો ઉપર ઉતરી આવી ભારે દેખાવો યોજ્યા હતા અને નારાબાજી પણ કરી હતી. તેથી તાલિબાનોની મોરાલિટી પોલીસે તેમના ઉપર ગોળીબાર કરતાં એક બાળક સહિત બેના મોત થયા હતા અને ૨૦થી વધુ ઈજાગ્રસ્ત થયા હતા.

ગુરૂવારે પ્રસિદ્ધ કરેલા એક નિવેદનમાં યુ.એન. માનવ અધિકાર સંસ્થાએ જણાવ્યું હતું કે માત્ર સ્કાર્ફથી મુખ ઢાંકવું. અફઘાનિસ્તાનનાં નૈતિકતા મંત્રાલયે તેના હુકમમાં જણાવ્યું હતું કે કેટલાને મહિલાઓ પુરૂં શરીર ન ઢંકાય તેવા હીજામ (બુર્ખો) પહેર્યા સિવાય ઘરની બહાર નીકળવું નહીં. જો તેમ કરશો તો (બુર્ખો પહેર્યા વગર બહાર નીકળશો તો) સીધા જેલમાં જ ધકેલી દેવાશે. દુનિયાભરમાંથી તાલિબાનોની આ કાર્યવાહીનો વિરોધ થઈ રહ્યો છે. તાલિબાનો ઉપર ફીટકાર વરસી રહ્યો છે. વિદ્વાનો કહે છે તાલિબાનો ઘડીયાળના કાંટા ઉંધા ફેરવી રહ્યા છે.