મહારાષ્ટ્રના ભિવંડીમાં કપડાંને ડાઇંગ કરતી એક કંપનીમાં અચાનક આગ લાગી હતી. કાપડ વધારે પ્રમાણમાં હોવાથી આગ વધારે ફેલાઇ ગઇ હતી. બિલ્ડિંગના પહેલાં અને બીજા માળ પર ખૂબ જ આગ પ્રસરી ગઇ હતી. વધારે આગને કારણે દૂર દૂર સુધી ધુમાડાના ગોટેગોટાં જોવા મળ્યા હતા. આગને કારણે આસપાસ લોકોમાં અફરા તફરી મચી જાવી પામી હતી. આ સાથે જ ફાયરબ્રિગેડની ગાડીઓ પણ ઘટના સ્થળે પહોંચીને આગને બૂઝાવવાનો પ્રયાસ કરવામા ંઆવી રહ્યો છે. 

મહારાષ્ટ્રના થાણેમાં આવેલા સારવાલી ગામની એક રંગાઇ કારખાનામાં શુક્રવારે સવારે ભીષણ આગ લાગી હતી.નગર નિગમના અધિકારીઓ દ્વારા આ જાણકારી આપવામાં આવી છ. અધિકારીઓના જણાવ્યા અનુસાર ભિવંડી તાલુકાના સારવલી ગામમાં સ્થિત આ ફેક્ટરીમાં સવારે 9 વાગ્યાની આસપાસ આ આગ લાગવા પામી છે. અત્યાર સુધીમાં કોઇ જાનહાનિના સમાચાર મળ્યા નથી.