સીરિયાની રાજધાની દમિશ્કમાં વિદ્રોહી જૂથોએ પર કબજો જમાવ્યો હોવાના અહેવાલો વચ્ચે સૂત્રોએ જણાવ્યું હતું કે સીરિયામાં તમામ ભારતીય નાગરિકો સુરક્ષિત છે અને દૂતાવાસ તેમની મદદ માટે ઉપલબ્ધ છે. સૂત્રોએ જણાવ્યું કે યુદ્ધગ્રસ્ત સીરિયાની રાજધાની દમાસ્કસમાં ભારતીય દૂતાવાસ કાર્યરત છે અને તમામ ભારતીય નાગરિકોના સંપર્કમાં છે. આ દરમિયાન ઈસ્લામવાદી આગેવાની હેઠળના વિદ્રોહીએ આજે ​​કહ્યું કે તેઓએ સીરિયાને બશર અલ-અસદના શાસનમાંથી મુક્ત કરાવ્યું છે.

આ પહેલા વિદેશ મંત્રાલયે એક એડવાઈઝરીમાં હિંસા પ્રભાવિત દેશમાં રહેતા ભારતીયોને શક્ય હોય તો ઉપલબ્ધ કોમર્શિયલ ફ્લાઈટ્સ દ્વારા શક્ય તેટલી વહેલી તકે નીકળી જવા જણાવ્યું હતું. રાજધાની દમાસ્કસમાં વિદ્રોહી પ્રવેશ કરે તે પહેલા આ એડવાઈઝરી જાહેર કરવામાં આવી હતી.

આ પહેલા વિદેશ મંત્રાલયે તમામ ભારતીય નાગરિકોને સીરિયાની મુસાફરી ટાળવાની સલાહ આપી હતી. આ સાથે સીરિયામાં હાજર ભારતીય નાગરિકોને દમાસ્કસમાં ભારતીય દૂતાવાસનો ઈમરજન્સી હેલ્પલાઈન નંબર +963 993385973 (વોટ્સએપ પર પણ) ઉપલબ્ધ કરાવવામાં આવ્યો હતો.