ટોમ હોલેન્ડની નવી ફિલ્મ સ્પાઇડર-મેન બ્રાન્ડ ન્યૂ ડે થિયેટરમાં રિલીઝ થયા બાદથી જ બોક્સ ઓફિસ પર ધમાલ મચાવી રહી છે. માર્વેલની આ સુપરહીરો ફિલ્મ 30 જુલાઈના રોજ થિયેટરોમાં રિલીઝ થઈ હતી અને ભારતીય બોક્સ ઓફિસ પર પણ જોરદાર કમાણી કરી રહી છે. ફિલ્મે માત્ર બે દિવસમાં 100 કરોડનો આંકડો પાર કરી દીધો છે અને એવેન્જર્સ એન્ડગેમ જેવી ફિલ્મોના ક્લબમાં જોડાઈ ગઈ છે.

ડેસ્ટિન ડેનિયલ ક્રેટન દ્વારા દિગ્દર્શિત સ્પાઇડર-મેન 4 ને ભારતમાં જબરદસ્ત પ્રતિસાદ મળી રહ્યો છે. ટોમ હોલેન્ડ અભિનીત ફિલ્મે પહેલા દિવસે 60.60 કરોડ અને બીજા દિવસે 49.35 કરોડની કમાણી કરી હતી, જેથી ભારતમાં તેનું કુલ કલેક્શન 109.95 કરોડ થયું છે. ભારતમાં તેનું નેટ કલેક્શન 109.90 કરોડ અને ગ્રોસ કલેક્શન 131.46 કરોડ નોંધાયું છે. 2019 માં રિલીઝ થયેલી માર્વેલ બ્લોકબસ્ટર એવેન્જર્સ એન્ડગેમ પણ ભારતમાં બે દિવસમાં 100 કરોડ ક્લબમાં જોડાઈ હતી, હવે સ્પાઇડર-મેન બ્રાન્ડ ન્યૂ ડે એ તેની બરાબરી કરી છે.

100 કરોડ પાર કરવા છતાં બીજા દિવસે કમાણીમાં પહેલા દિવસની સરખામણીએ 18.6% નો ઘટાડો જોવા મળ્યો હતો. ફિલ્મની એકંદર અંગ્રેજી ઓક્યુપન્સી 49.31% રહી હતી, જેમાં રાત્રિના શોમાં સૌથી વધુ 66.78%, સાંજના શોમાં 54.33%, બપોરના શોમાં 44.56% અને સવારના શોમાં 31.56% ઓક્યુપન્સી નોંધાઈ હતી. ટોમ હોલેન્ડ ઉપરાંત ફિલ્મમાં ઝેન્ડાયા એમજે તરીકે, જોન બર્નથલ ફ્રેન્ક કેસલ પનિશર તરીકે, જેકબ બટાલોન નેડ લીડ્સ તરીકે અને માર્ક રફાલો બ્રુસ બેનર હલ્ક તરીકે જોવા મળે છે, સાથે સેડી સિંક અને લિઝા કોલોન-જોયસ પણ છે.